ក្រុមបាល់ទាត់ Manchester City ពិតជាមិនទាន់ស្គាល់​បរាជ័យឡើយមកទល់នឹងសប្តាហ៍ទី២១នេះ ក្រោយពីប្រកួតស្មើក្នុងទឹកដីក្រុម Crystal Palace ក្នុងលទ្ធផល ០-០ ។

យ៉ាងណាវិញនោះ ក្រុម Manchester City ពិតជាមានសំណាងខ្លាំងណាស់ ដោយរក្សាការប្រកួតមិន​ចាញ់របស់ពួកគេក្នុងការប្រកួតនេះទៀត។ ជាក់ស្តែងណាស់ Man City ឆិតរបូតពិន្ទុ​ ពីការប្រកួតនេះទៅហើយ នៅចុងម៉ោងនាទីទី៩០ ដែលក្រុម​ម្ចាស់ផ្ទះ Crystal Palace មានឱកាសទាត់បាល់ ១១មែត្រ ដោយកីឡាករ Luka Milivojivic តែត្រូវបាន​អ្នកចាំទីប្រេស៊ីលៃស្អិត Edersonរបស់ក្រុម Man City អាចសង្រ្គោះបាន។

ថ្វីបើយ៉ាងនេះក្តី ក្នុងការប្រកួតនេះ​ ក្រុមកំពូលតារាង Premier League មួយនេះ បានគ្រប់គ្រងការប្រកួតសឹងតែទាំងស្រុង តែមិន​អាចវាយបំបែកពងមាន់ក្រុម Crystal Palace បាន​ឡើយ​ដោយសារតែរបាំងការពាររបស់ក្រុមម្ចាស់ផ្ទះរឹងមាំ។ ក៍ប៉ុន្តែ ការស៊ុតបាល់ ១១ម៉ែត្រចុងម៉ោងមិនចូលរបស់ក្រុម Crystal Palace បានរក្សាកំណត់ត្រាមិនចាញ់របស់ក្រុម Manchester City ដោយ ២១ប្រកួតកន្លងមក ឈ្នះ ១៩ និងស្មើតែ២ប្រកួតប៉ុណ្ណោះ។

ដូច្នេះហើយ នេះគឺជាសំណាងមួយ សម្រាប់ក្រុម Manchester City ដែលរងគ្រោះថ្នាក់នៅចុងម៉ោងទៅហើយនោះ បែរជាគ្រោះ​ថ្នាក់រត់ចេញឆ្ងាយវិញ ដោយសារតែក្រុម Crystal Palace ទាត់បាល់ ១១ម៉ែត្រមិនចូល។

https://www.youtube.com/watch?v=ISxzo8Ov5TY