ព័ត៌មានកីឡា

Real Madrid ខកចិត្តចុងម៉ោង

ក្រុមអធិរាជស Real Madrid ពិតជាខកចិត្តយ៉ាងខ្លាំង បន្ទាប់ពីក្រុមការពារជើងឯក Laliga មួយនេះ ត្រូវបានក្រុមម្ចាស់ផ្ទះ Celta Viga ឆក់អស់២ពិន្ទុ នៅចុងម៉ោងវិញ ដែលធ្វើឲ្យ Real Madrid ខកខានទទួល៣ពិន្ទុ ក្នុងសប្តាហ៍នេះ។

ជាក់ស្តែងណាស់ Real Madrid ធ្វើដំណើរទៅកាន់ទឹកដី របស់ក្រុម Celta Vigo ដោយរកបានត្រឹម ១ពិន្ទុត្រឡប់មកវិញប៉ុណ្ណោះ ក្រោយពីលេងបានត្រឹមស្មើគ្នា ២-២ ។ ក្នុងនោះដែរ ក្រុមម្ចាស់ផ្ទះ Celta Vigo បានរកគ្រាប់បាល់ ១គ្រាប់មុនតាំង​ពីនាទីទី៣៣ ដោយការស៊ុតរបស់កីឡាករ Daniel Wass ក៉ុន្តែ ត្រូវបានក្រុម Real Madrid អាចវាយបកមកវិញ ២គ្រាប់ភ្លាមៗ ពោលគឺស៊ុតបាននៅនាទីទី៣៦ និង ៣៨ ដោយខ្សែប្រយុទ្ធវែល Gareth Bale ជាហេតុធ្វើឲ្យ Real Madrid បាននាំមុខវិញ ក្នុងលទ្ធផល ២-១។ យ៉ាងណវិញ ការប្រកួតឈានចូលដល់តង់ទី២ ក្រុម Celta Vigo បានបើកការវាយលុកយ៉ាង​ខ្លាំងក្លា ដើម្បីដណ្តើមយកគ្រាប់បាល់ត្រឡប់មកវិញ ដែលក្នុងនោះដែរ នៅនាទីទី៨២ កីឡាករ Maximiliano Gomez អាចរកគ្រាប់បាល់តាមស្មើមកវិញបាន ដែលធ្វើឲ្យបញ្ចប់ការប្រគួតនេះ បញ្ចប់​ដោយលទ្ធផល ២-២។

គួរបញ្ជាក់ផងដែរថា ក្រុម Real Madrid ឆិតចាញ់ការ​ប្រគួតនេះផង ព្រោះថានៅនាទីទី ៧២ ក្រុម Celta Vigo មានឱកាសទាត់បាល់ ១១ម៉ែត្រ តែកីឡាករ Iago Aspas ធ្វើមិនបានសម្រេចឡើយ។ ហេតុនេះហើយ Real Madrid និង Celta Vigo បានចែកគ្នាម្នាក់១ពិន្ទុ ត្រឡប់ទៅផ្ទះវិញ រៀងៗខ្លួន។

https://www.youtube.com/watch?v=746PwM0fQJY

មតិយោបល់