Post News Media ព័ត៌មានកីឡា កាតក្រហម១ហើយ ...

កាតក្រហម១ហើយ ធ្វើស៊ីមិនបានទៀត

ក្រុមតោខៀវ Chelsea ហាក់ដូចជាស៊យខ្លាំងណាស់ ក្នុងការបើកទ្វារទទួលក្រុម​កញ្ជ្រោងខៀវ Leicester City ដោយលេងបានត្រឹមស្មើគ្នា ០-០ ប៉ុណ្ណោះ បើទោះបីជាក្រុមភ្ញៀវ ទទួលបានកាតក្រហម១នៅពាក់កណ្តាលនៃតង់ទី២ ក៏ដោយ។

ការលេងបានត្រឹមស្មើជាមួយក្រុម Leicester City នេះដែរ បានធ្វើឲ្យក្រុមតោខៀវ Chelsea ឈរត្រឹមចំណាត់ថ្នាក់លេខ៣ ក្នុងតារាងស្មើគ្នាជាមួយក្រុមលេខ២ បីសាចក្រហម Manchester United ដែលមាន ៤៧ពិន្ទុដូចគ្នា។ ក្នុងនោះដែរ Chelsea ប្រហែលជាមិនអាចការពារពាន Premier League របស់ពួកគេ​នៅរដូវកាលនេះឡើយ ព្រោះថានៅពេលនេះ ក្រុម Manchester City បាននាំមុខដល់ទៅ ១៥ ពិន្ទុ​ ខណ:នៅសល់ការប្រកួតជាមួយក្រុមហង្សក្រហម Liverpool យប់នេះទៀត។

យ៉ាងណាវិញនោះ អ្វីដែល Chelsea ត្រូវបន្តព្យាយាមនៅពេលនេះនោះ គឺការរក្សាចំណាត់ថ្នាកក្រុមកំពូលតារាងទាំង៤ ដើម្បីរក្សាតំណែង Champion League ឆ្នាំក្រោយ ព្រោះថាក្នុងចំណោមក្រុម Manchester Unted, Chelsea, Liverpool, Tottenham និង Arsenal នៅមានពិន្ទុប្រកៀកប្រកិតគ្នានៅឡើយ​ ដែលទាមទារឲ្យក្រុមទាំងអស់នេះ ត្រូវប្រជែងគ្នា ៣ក្រុមជាមួយ Man City ក្នុងការលេង Champion League ឆ្នាំក្រោយ។