អតីតខ្សែប្រយុទ្ធក្រុមជម្រើសជាតិជប៉ុន Kazuyoshi Miura បានចុះហត្ថលេខាលើកិច្ចសន្យាថ្មីមួយបន្ថែមទៀត ជាមួយក្រុម Yokohama FC របស់ J.League (J2) នៅមុនពេលថ្ងៃខួបកំណើត ៥១ឆ្នាំ របស់គាត់នាខែក្រោយ។

Miura ដែលបំបែកឯតទគ្គកម្មរបស់កីឡាករ Stanley Matthews ជាអ្នកលេងចាស់បំផុត ក្នុងការរកគ្រាប់បាល់មួយគ្រាប់ កាលពីឆ្នាំមុន នឹងឈានចូលរដូវកាលទី ៣៣ នៃអាជីពជាកីឡាករនៅឆ្នាំនេះ។ លក្ខខណ្ឌថ្មីរបស់គាត់បានកើតឡើងបន្ទាប់ពី King Kazu បានលេង ២ ប្រកួតសម្រាប់ Yokohama FC មានតែខ្សែប្រយុទ្ធម្នាក់។

ខ្សែប្រយុទ្ធវ័យជិត ៥១ឆ្នាំរូបនេះ បានប្រាប់ទីភ្នាក់ងារព័ត៌មាន Kyodo news ថា៖ «ខ្ញុំបានចុះហត្ថលេខាលើកិច្ចសន្យាបន្ថែមសម្រាប់រដូវកាលនេះ។ ខ្ញុំតែងតែពេញចិត្តបន្ត ហើយសង្ឃឹមថានឹងបន្តទៅ១ឆ្នាំថែមទៀត»។

ក្នុងការចាប់ផ្តើមអាជីពដំបូង Miura បានចូលរួមជាមួយក្លិប Santos ប្រទេសប្រេសុីល និងបានចំណាយពេលជាច្រើនឆ្នាំ មុននឹងត្រលប់ទៅទឹកដីកំណើតវិញនៅឆ្នាំ ១៩៩០ ។ ការបង្ហាញខ្លួនតំណាងឱ្យក្រុមជម្រើសជាតិជប៉ុនចំនួន ៨៩ដង ខ្សែប្រយុទ្ធចាស់បំផុតនេះ ​​ស៊ុតបញ្ចូលទីបាន ៥៥ គ្រាប់៕