Post News Media ព័ត៌មានកីឡា អ៊ឹង​ បូរ៉ា​ ...

អ៊ឹង​ បូរ៉ា​ និង​ ម៉ន​ រដ្ឋា​ ឈ្នះដូចគ្នាក្នុងថ្ងៃបើកឆាក​ TV5​ រដូវកាល​ទី២​

កាលពីល្ងាចម្សិលមិញនេះ អ៊ឹង​ បូរ៉ា​ និង​ ម៉ន​ រដ្ឋា​ ទទួល​បាន​ជ័យជម្នះ​ដូច​គ្នា​ ឡើង​ទៅ​វគ្គ​ទី២​(១៦នាក់)​បន្ត​ទៀត​ នា​ថ្ងៃ​បើក​ឆាក​ពាន​រង្វាន់​ TV5 Knock Out Series By Kcement​ រជ្ចកា​ទី២​។

រដូវកាលទី២នេះ មានកីឡាករ៣២នាក់ចូលរួមដូចលើកមុនដែរ ក្នុងប្រភេទទម្ងន់ ៥៧គីឡូក្រាម ដែលសុទ្ធតែជាអ្នកធ្លាប់ប្រកួតលក្ខណ:អន្តរជាតិដ៏កក្រើកកន្លងមករួចហើយ ដើម្បីបង្ហាញឱកាសសារជាថ្មី។ រូបមន្តនៃការប្រកួតដូចកាលពីលើកទី១ដែរ ដោយតម្រូវឲ្យអ្នកចាញ់ត្រូវធ្លាក់ចេញពីការប្រកួតតែម្តង នឹងអ្នកឈ្នះឡើងទៅវគ្គបន្ត រហូតដល់វគ្គចុងក្រោយ។

សូមបញ្ជាកើថា អ៊ឹង​ បូរ៉ា បានយកឈ្នះ ឡូញ​ វ៉ាន់ឌី​ ដោយផ្តួលឲ្យ​សន្លប់​ក្នុង​ទឹក​ទី២ ខណ:ដែល ម៉ន​ រដ្ឋា​ បានយកឈ្នះ សំណាង សម្បត្តិ ឡើងទៅវគ្គ ១៦នាក់ បន្តទៀត៕