ការបាត់បង់ខ្សែការពារដ៍ឆ្នើម Pepe គឺជាការបាត់បង់ដ៍សំខាន់មួយសម្រាប់ក្រុមយក្ស Real Madrid ព្រោះថា Pepe គឺជាចំណែកមួយដែលនាំឲ្យ Real ឈ្នះពានជាច្រើន។

ជាការពិតណាស់ ក្រុម Real Madrid បានរងបរាជ័យ ក្នុងការនាំយកខ្សែការពារវ័យក្មេង Dani Ceballos ក្រោយពី Barcelona បានដណ្តើមទៅបាត់។ ជាក់ស្តែងណាស់ បើតាម Mirror បានឲ្យដឹងថាក្រុម Real Madrid បាននាំយកខ្សែការពារកណ្តាល Jesus Vallejo ត្រឡប់មកវិញ នៅក្នុងសប្តាហ៍នេះ។ Jesus Vallejo ត្រូវបានក្រុម Real Madrid ទិញពីក្រុម Zaragoza ក្នុងតម្លៃ ៥លានផោន កាលពីឆ្នាំ ២០១៥ តែខ្សែការពាររូបនេះ មិនបានបង្ហាញខ្លួនឲ្យ Real Madrid បាន ១ប្រកួតនៅឡើយទេ ជាហេតុធ្វើឲ្យខ្សែការពាររូបនេះ សម្រេចទៅលេងឲ្យក្រុម Frankfurt នៅអាឡឺម៉ង់ ក្នុងល័ក្ខខ័ណ្ឌខ្ចីជើងដើម្បីអភិវឌ្ឍន៍សមត្ថភាពក្នុងទីលានប្រកួត។ ក្រោយពី ខ្សែការពារកណ្តាលដ៍ឆ្នើម Pepe ចាកចេញទៅកាន់ក្រុម Besiktas រួចមក Real Madrid បានស្វះស្វែងរកកីឡាករថ្មីមកជំនួស បើទោះបីជាមាន Raphael Varane និង Nacho Fernandez ក៍ដោយ។

ក្នុងនោះដែរ Real បានសម្លឹងឃើញ Dani Ceballos តែត្រូវក្រុម Barcelona ដណ្តើមយកបាត់ ជាហេតុធ្វើឲ្យ ក្រុមជើងឯក Laliga រូបនេះងាកមករក ការនាំយក Jesus Vallejo ត្រឡប់មកវិញ។ យ៉ាងណាក៍ដោយ ការត្រឡប់មកវិញលើកនេះ Vallejo នឹងមិនដូចមុនឡើយ ព្រោះថាខ្សែការពាររូបនេះ អាចមានឱកាសលេងបានច្រើន ឲ្យ Real Madrid ស្របពេលដែល ខ្សែការពាររឹងមាំរបស់ Real នៅមានចំនួនតិច រួមទាំងកាតបង្វឹកសមត្ថភាព នៅក្នុងការខ្ចីជើង ១ឆ្នាំជាងកន្លងមកនៅ Frankfurt នោះក្រុម Real Madrid ច្បាស់ជាមើលឃើញសមត្ថភាពរបស់ Jesus Vallejo ជាក់ជាមិនខាន។