ផ្ទះ ព័ត៌មានកីឡា Lao Toyota FC...

Lao Toyota FC មានសិទ្ធិប្រកួតជម្រុះជាមួយ បឹងកេត ក្នុងព្រឹត្តិការណ៍ AFC Cup ឆ្នាំ២០១៨ ក្រោយឈ្នះក្តី

0

ក្លិបបាល់ទាត់ Lao Toyota FC របស់ប្រទេសឡាវ បានមានសិទ្ធិចូលរួមក្នុងការប្រកួត AFC Cup ឆ្នាំ ២០១៨វិញ បន្ទាប់ពីសហព័ន្ធកីឡាបាល់ទាត់អាស៊ី (AFC) បានហាមឃាត់ ការរៀបចម្ការប្រកួតដែលត្រូវបានចេញនៅក្នុងខែធ្នូ។

ដោយសារតែអង្គភាព AFC Entry Control Body (ECB) បានប្រកាសថាក្លិបរបស់ឡាវនេះ «បានចូលរួមដោយផ្ទាល់ និង ដោយប្រយោលក្នុងសកម្មភាពនានាដែលមានគោលបំណងក្នុងការរៀបលើលទ្ធផលនៃការប្រកួត»ក្នុងកំឡុងរដូវកាលឆ្នាំ ២០១៥ និង ២០១៦ របស់ AFC Cup។

បន្ទាប់មក Lao Toyota FC បានដាក់ពាក្យបណ្តឹងឧទ្ធរណ៍ នៅថ្ងៃទី២២ ខែធ្នូ ឆ្នាំ២០១៧ ប្រឆាំងនឹងការសម្រេចចិត្តដែលចេញដោយ ECB ។ នៅថ្ងៃទី០២ ខែមករា ឆ្នាំ២០១៨ តុលាការអាជ្ញាកណ្តាលកីឡា (CAS) បានចេញសេចក្តីសម្រេចចិត្តរបស់ខ្លួននៅក្នុងនីតិវិធីអាជ្ញាកណ្តាលរវាង Lao Toyota FC និង AFC ។

យោងតាមលទ្ធផលនេះក្លិបឡាវត្រូវបានលុបចោលពីបទល្មើសណាមួយដោយ ECB ហើយអាចប្រកួតប្រជែងនៅក្នុងព្រឹត្តិការណ៍ AFC Cup នៅឆ្នាំនេះ។ ដូច្នេះហើយក្រុម Lao Toyota FC ត្រូវប្រកួតជម្រុះជាមួយក្រុម បឹងកេត (កម្ពុជា) នៅថ្ងៃទី២៩ ខែមករា ឆ្នាំ២០១៨ នៅពហុកីឡដ្ឋានជាតិ រាជធានីភ្នំពេញ វេលាម៉ោង ៦:៣០ នាទីល្ងាច សម្រាប់ជើងទី១៕

មតិយោបល់