ក្រុមបាល់ទាត់ Tianjing Quanjian បានផ្តល់តម្លៃពលកម្មប្រចាំឆ្នាំខ្ពស់មួយ ដល់ខ្សែបម្រើវ័យ ៣៣ ឆ្នាំ Andres Iniesta ប្រសិនបើកីឡាករអេស្ប៉ញរូបនេះយល់ព្រមផ្លាស់ទៅកាន់ប្រទេសចិននោះ។
ថ្វីបើមានវ័យចំណាស់បន្តិចមែន តែប្រជាប្រិយភាពរបស់ខ្សែបម្រើអេស្ប៉ាញរបស់ក្រុម Barcelona កីឡាករ Andres Iniesta នៅតែទទួលបានការចាប់អារម្មណ៍យ៉ាងខ្លាំងពីសំណាក់ក្លិបបាល់ទាត់នៅប្រទេសចិន។ ជាក់ស្តែងណាស់ បើតាមការចុះផ្សាយរបស់ Daily Mail បានឲ្យដឹងថា ក្រុបាល់ទាត់ Tanjing Quanjian បានផ្តល់ប្រាក់ប្រចាំឆ្នាំ ៣១លានផោនដល់ Iniesta ប្រសិនបើយល់ព្រមផ្លាស់ទៅកាន់ប្រទេសចិននោះ។ គួរបញ្ជាក់ផងដែរថា Iniesta កំពងតែលេងឲ្យក្រុមយក្សអេស្ប៉ាញ Barcelona ថ្វីបើវ័យរាងជ្រេ តែជម្រើស ១១ នាក់ដំបូងកម្រនឹងអវត្តមាន Iniesta ណាស់ បើទោះបីជាមានវត្តមាន របស់ Philippe Coutinho ក៍ដោយ។
យ៉ាងណាវិញ ក្លិបបាល់ទាត់នៅ ប្រទេសចិន ហាក់មិនខ្វល់ខ្វាយពីអាយុរបស់ Iniesta ឡើយ ដោយពួកគេចង់បាន កីឡាករអេស្ប៉ាញរូបនេះ ទៅកាន់លីគកំពូលរបស់ចិន មួយមុខតែប៉ុណ្ណោះ ហើយហ៊ានផ្តល់ប្រាក់ឈ្នួលដល់ទៅ ៣១លានផោន ក្នុង១ឆ្នាំទៀត។
មតិយោបល់