ក្រោយពីខ្ជីជើងមិនទាន់បាន ១ រដូវកាលផង ក្រុម Bayern Munich បានដាក់សំណើរសុំទិញ ខ្សែបម្រើប្រយុទ្ធកូឡុំប៊ី James Rodriguez ពីក្រុម Real madrid ផ្តាច់តែម្តង។

បើតាមការចុះផ្សាយរបស់ The Goal បានឲ្យដឹងថា Bayern Munich មិនចង់ខ្ចីជើង James Rodriguez ពី Real Madrid ទៀតឡើយ ដោយក្លិប​ជើងឯក អាឡឺម៉ង់មួយនេះ ចង់ទិញយកកីឡាកររូបនេះ ផ្តាច់តែម្តង។ ជាក់ស្តែងណាស់ James Rodriguez បានក្លាយជាកីឡាករសំខាន់មួយរូបរបស់ក្រុម Bayern Munich ក្រោយពីការខ្ចីជើង ពី Real Madrid កាលពីរដូវក្តៅកន្លងមក ។

ដោយមើលឃើញ ពីទម្រង់លេងមិនស្រកស្រុតនេះឯង ទើបជម្រុញឲ្យ Bayern Munich ចង់បាន James មករួមក្លិបក្នុងនាមជាកីឡាករពេញសិទ្ធិ មិនមែនជាកីឡាករលក្ខខ័ណ្ឌខ្ចីជើងឡើយ។ យ៉ាងណាវិញ ក្រុម Real Madrid កំពុងតែចង់បាន James Rodriguez ត្រឡប់ទៅកាន់ Bernabeu វិញ បន្ទាប់ពីទម្រង់លេងរបស់ក្លិបមួយនេះ មានការធ្លាក់ចុះយ៉ាងខ្លាំងនាពេលកន្លងមក។

កត្តានេះដែរ អាចជាបញ្ហាមួយសម្រាប់ក្រុម Bayern Munich ដែលចង់ទិញយក​James Rodiguez ព្រោះថា Real Madrid កាន់តែបង្ហាញចេទនា មិនលក់ហើយអាចនាំយកទៅវិញផងដែរ។