Post News Media ព័ត៌មានកីឡា អាជ្ញា​កណ្ដាល...

អាជ្ញា​កណ្ដាល​ល្បី​ឈ្មោះ​នៅ​អង់គ្លេស ​នឹង​ត្រូវ​ចាកចេញ​ពី Premier League ​ហើយ

លោក​ Mark Clattenburg ​អាជ្ញាកណ្ដាល​ល្បី​ឈ្មោះ​ម្នាក់​នៅ​អង់គ្លេស ​នឹង​ចាកចេញ​ពី​ក្របខណ្ឌ English Premier League ​ក្រោយ​ពី​ទទួល​បាន​សំណើរ​ល្អ​មួយ​ពី​ខាង​អារ៉ាប៊ីសាអូឌីត។

Clattenburg ​ជា​អាជ្ញាកណ្ដាល​ម្នាក់​កំពុង​តែ​មាន​ប្រជាប្រិយភាព​មែនទែន​នៅ​លីគ​អង់គ្លេស ​ក៏​ដូចជា​ក្នុង​តំបន់​អឺរ៉ុប​តែ​ម្ដង។ យ៉ាងណាមិញ ​ក្រោយ​ពី​មាន​ការ​ចរចា​គ្នា​យ៉ាង​យូរ​ជាមួយ​លីគ​នៅ​ប្រទេស​ អារ៉ាប៊ីសាអូឌីត​មក ​រូបគេ​បាន​សម្រេច​ចិត្ត​ចាកចេញ​ពី​អង់គ្លេស​ហើយ ​ដោយ​ទៅ​ប្រកប​អាជីព​ជាមួយ​ប្រទេស​អ្នក​មាន​ថ្មី​នេះ​តែ​ម្ដង។

ការ​ផ្លាស់​ទៅ​នេះ​ដែរ ត្រូវ​បាន​គេ​ដឹង​ថា​អាជ្ញាកណ្ដាល​រូប​នេះ​នឹង​បាន​ប្រាក់​ពលកម្ម​ខ្ពស់​មែនទែន ​ពោល​គឺ​ខ្ពស់​ជាង​នៅ​អង់គ្លេស​ឆ្ងាយ។ ខណ:​ដែល​ហេតុផល​ផ្សេង​ទៀត​ដែល​អាច​ជម្រុញ​ចិត្ត​បុរស​វ័យ​៤១​ឆ្នាំ​នេះ​បាន​ទៀត​នោះ​គឺ​ការ​ចង់​បាន​បទ​ពិសោធន៍​ថ្មី​ជាមួយ​លីគ​នៅ​ប្រទេស​អាស៊ី​នេះ​៕