ខ្សែប្រយុទ្ធអន្តរជាតិអង់គ្លេស Harry Kane ត្រូវបានក្រុមគ្រូពេទ្យទម្លាយឲ្យដឹងថា កីឡាកររូបនេះ មិនទាន់អាចវិលត្រឡប់ចូលមកកាន់ទីលានវិញបានឡើយ ដោយត្រូវសម្រាកព្យាបាលមួយរយៈពេលសិន។

ជាក់ស្តែងណាស់ បើតាមការចុះផ្សាយរបស់ The Mirror បានឲ្យដឹងថា ខ្សែប្រយុទ្ធ Harry Kane មិនអាចបន្តជួយក្រុម Tottenham បានទៀតឡើយ​ ដោយកីឡាកររូបនេះ ត្រូវសម្រាករហូតដល់ខែឧសភា ទើបវិលត្រឡប់មកកាន់ទី​លានវិញបាន ដោយសារបញ្ហារបួសកជើង។ ការនៅក្រៅទីលានរយៈពេលពេល​យូរបែបនេះ បានធ្វើឲ្យកតីសង្ឃឹមឈ្នះស្បែកជើងមាស​ ៣រដូវកាលជាប់គ្នា របស់ Harry Kane អាចនឹងត្រូវបញ្ចប់ ព្រោះថា បច្ចុប្បន្ននេះ គ្រាប់បាល់រវាង Kane និង Salah ស្មើគ្នា ២៤គ្រាប់ ស្របពេលដែល Salah បន្តមានវត្តមានក្នុងទីលានប្រកួត​ដដែល។ យ៉ាងណាវិញ នេះគ្រាន់ជារឿងសោកស្តាយមួយប៉ុណ្ណោះ សម្រាប់ Harry Kane ក៍ប៉ុន្តែអ្វីដែលជារឿងដ៍ប្រសើរ សម្រាប់ខ្សែប្រយុទ្ធដ៍ឆ្នើមរូបនេះ​នោះគឺ Harry Kane អាចជាទាន់ ដើម្បីចូលរួមព្រឹត្តិការណ៍ World Cup នៅរុស្ស៊ី ដែលចាប់ផ្តើមនៅខែមិថុនា មានន័យថា Harry Kane មានពេលមួយខែ ក្នុងការពង្រឹងសមត្ថភាពឡើងវិញ ត្រៀមប្រកួត World Cup ។

ដូច្នេះហើយ Harry Kane ច្បាស់ជារបូតស្បែកជើងមាស Premier League រដូវកាលនេះ ដោយសារបញ្ហារបួស ខណៈ Mohamed Salah មានភាគរយខ្ពស់ ក្នុងការឈ្នះ​ស្បែកជើងមាសរដូវកាលនេះ។