អតីតគ្រូបង្វឹកក្រុមបីសាចក្រហម Manchester United លោក Louis van Gaal បានផ្តល់សុទិដ្ឋិនិយម​ដល់អតីតក្រុមរបស់លោកដែរ ក្នុងការព្យាយាមប្រជែងយក Robert Lewandowski ជាមួយ Real Madrid និង Chelsea ។

បើតាមការចុះផ្សាយរបស់ The Mirror បានឲ្យដឹងថា លោក Louis van Gaal បានមើលឃើញពីភាពបរាជ័យ​របស់ក្រុមបីសាចក្រហម Manchester United ក្នុងការ​នាំយកខ្សែប្រយុទ្ធប៉ូឡូញ Robert Lewandowski ពីក្រុម Bayern Munich នៅរដូវកាលក្រោយនេះ។ ការរំពឹងបែបនេះ បានកើតឡើង បន្ទាប់ពីក្រុម Real Madrid កំពុងតែទទួលបានភ្លើងខៀវ ក្នុងការនាំយក Lewandowski ទៅកាន់ Santiago Bernabeu តាមរយៈការយល់ព្រមរបស់ភ្នាក់ងារកីឡាករប៉ូឡូញរូបនេះ។

ក្នុងនោះដែរ លោក Louis van Gaal បាននិយាយថា៖ កាលពីខ្ញុំ នៅដឹកនាំ Man Utd ក៏ធ្លាប់បានដណ្តើមទិញយក Lewandowski ម្តងរួចមកហើយ តែមិនបានផលឡើយ ព្រោះថា ខ្សែប្រយុទ្ធមុតស្រួចរបស់ Bayern Munich មិនចាកចេញពីអាឡឺម៉ង់​ឡើយ។ យ៉ាងណាវិញ ថ្វីដ្បិត Lewandowski បានបញ្ជាក់ពីបំណងចង់ចាកចេញពីអាឡឺម៉ង់ នៅរដូវកាលក្រោយដដែល តែ Man Utd នៅតែមិនអាច​នាំយកបានដដែល ព្រោះថា Real Madrid អាចក្លាយជា​អ្នកទទួលបានផលនេះ។

ម្យ៉ាងវិញទៀតនោះ បើទោះបីជា​មិនមាន Real Madrid ក៍នៅមាន Chelsea ដែលជាគូ​ប្រជែងធំមួយនៅអង់គ្លេស ក្នុងការនាំយក Robert Lewandowski ផងដែរ។