ក្រោយពីការចាប់អារម្មណ៍កន្លងមក នៅពេលនេះ ក្រុម Manchester City ក្រោមការដឹកនាំរបស់លោក Pep Guadiola បានសម្រេចបង្ហាញនូវទំហំ​ទឹក​ប្រាក់របស់ក្លិបកំពូលអង់គ្លេសមួយនេះ ក្នុងការទិញយក Isco ពីក្រុម Real Madrid ហើយ។

មិនមែនជារឿងលេងសើចឡើយ សម្រាប់លោក Pep Guadiola ក្នុងការចង់បាន​ខ្សែបម្រើប្រយុទ្ធអេស្ប៉ាញ Isco Alarcon ពីក្រុមអធិរាជស Real Madrid ឡើយ ដោយគ្រូបង្វឹករូបនេះ ត្រៀមទឹកប្រាក់សម្រាប់ចរចារទិញហើយ។ ជាក់ស្តែង​ណាស់ បើតាមការចុះផ្សាយរបស់ The Mirror បានឲ្យដឹងថា Manchester City បានបង្ហាញទឹកប្រាក់ ៧៥ លានផោន ក្នុងការប្រមាញ់យក​ កីឡាករឆ្នើម​អេស្ប៉ាញ Isco ពីក្រុម Real Madrid នៅរដូវក្តៅខាងមុខនេះ។ Isco កំពុងតែលេងឡើងជើងយ៉ាងខ្លាំង នាមួយរយ:ចុងក្រោយនេះ ជាពិសេសនោះ ក្នុងជំនួបមិត្តភាព ចុងក្រោយជាមួយក្រុមជើងខ្លាំងមកពីតំបន់អាមេរិកឡាទីន អាហ្សង់ទីន Isco ស៊ុតបាន៣គ្រាប់ក្នុងចំណោមគ្រាប់បាល់ ៦-១ ដែលអេស្ប៉ាញ បានឈ្នះ។

យ៉ាងណាវិញ Manchester City រំពឹងថាពួកគេនឹងអាចនាំយក Isco មកកាន់ Premier League បាន ព្រោះថា នៅ Real Madrid សម្បូរ​កីឡាករល្អៗច្រើន ម្យ៉ាង Isco លេង ១១ នាក់ដំបូងមិនស្ថិតស្ថេរសម្រាប់ Real Madrid ឡើយ ខណ:ការផ្លាស់មកកាន់ Man City កីឡាករអេស្ប៉ាញរូបនេះ នឹង​មានអនាគត់ជាង ដោយសារតែ រូបគេនឹងត្រូវមកជំនួសតំណែងរបស់ David Silva ដែលមានវ័យកាន់តែជ្រេទៅហើយនោះ។