Post News Media ព័ត៌មានកីឡា Ronaldo រំពឹង...

Ronaldo រំពឹង Buffon ធ្វើមិនបានល្អក្នុងការប្រកួតយប់នេះ

ថ្វីបើអ្នកចាំទី Gianluigi Buffon មានការខ្លាចរអា ចំពោះ ការរារាំងបាល់ស៊ុត​បញ្ចូលទី របស់ Cristiano Ronaldo ក៍ដោយ ក៍ប៉ុន្តែ សម្រាប់ខ្សែប្រយុទ្ធកំពូល​រូបនេះ វិញ ក៍មានការព្រួយបារម្ភ ចំពោះការរកគ្រាប់បាល់បញ្ចូលទីយប់នេះដែរ។

បើតាមការចុះផ្សាយរបស់​ Diario Gol បានឲ្យដឹងថា Cristiano Ronaldo ចង់ឲ្យ ​Buffon ធ្វើមិនបានល្អយប់នេះ ស្របពេលដែល​ Real Madrid ត្រូវធ្វើ​ដំណើរទៅជួប ក្រុមសេះបង្កង់ Juventus នាការប្រកួត Champion League វគ្គ ៨ ក្រុមចុងក្រោយ។ Ronaldo បានបង្កើតកំណត់ត្រាជាច្រើន ក្នុងរដូវកាលនេះ ជាពិសេសនោះគឺ​ ការទាត់បញ្ចូលទីគ្រប់ការប្រកួត ឲ្យក្លិប Real Madrid នៅ Champion League ។

យ៉ាងណាវិញ Ronaldo នៅមិនស្ងប់ឡើយ ពេលជួប Juventus ដែលខុសប្លែកពីការជួបក្រុម Paris Saint Germain កាលពីវគ្គ ១៦ ​ក្រុមចុងក្រោយកន្លងមក។ អ្វីដែលជាការព្រួយបារម្ភនោះគឺ​ Ronaldo ខ្លាចអ្នកចាំទី Gianluigi Buffon ដែលពូកែចាប់បាល់ និងមានបទពោសោធន៍ច្រើនក្នុង​ទីលាន។ ថ្វីបើ Ronaldo ធ្លាប់ទាត់ចូល Buffon ជាច្រើនគ្រាប់មកហើយក៍​ដោយ តែអ្វីដែលសំខាន់នោះ ការប្រកួតលើកនេះ មិនដូចលើកមុនឡើយ ម្យ៉ាង Buffon បានស្គាល់ច្បាស់ពី Ronaldo ច្រើនគួរសមហើយ។

កីឡាករវ័យ ៣២ ឆ្នាំ បាននិយាយថា៖ ខ្ញុំចង់ឲ្យ Buffon ធ្វើមិនបានល្អនៅថ្ងៃនេះ, គាត់គឺជាអ្នកកំណត់ជោគវាសនាឈ្នះឬ ចាញ់របស់ Juventus បើគាត់ធ្វើមិនបាន​ល្អវិញ នោះពួកយើងនឹងឈ្នះការប្រកួតនេះ។