ថ្វីបើក្រុម Burriram United កំពុងឈរលេខ៣ ក្នុងពូលG នៃពានរង្វាន់ Asia Champion League ក៍ដោយ តែក្រុមដែលមានមូលដ្ឋានមកពី ប្រទេសថៃមួយនេះ នៅមិនទាន់អស់សង្ឃឹមក្នុងការឡើងទៅកាន់វគ្គបន្ទាប់ទៀត​ឡើយ។

នៅសល់មួយប្រកួតចុងក្រោយនេះ គឺជាឱកាសសម្រាប់ក្រុម Burriram ហើយ ក្នុងការឆក់ឱកាសឡើងទៅកាន់វគ្គបន្ទាប់ទៀត ក្នុងនាមជាក្រុមតំណាងឲ្យ​ប្រទេសនៅតំបន់អាស៊ីអាគ្នេយ៍។ ជាក់ស្តែងណាស់ Burriram United នឹងត្រូវធ្វើ​ដំណើរទៅកាន់ទឹកដីរបស់ក្រុម Juju United នៅថ្ងៃទី ១៧ មេសា​ ខាងមុខនេះ ក្នុងការប្រកួតបញ្ចប់វគ្គចែកពូល​ចុងក្រោយនៃការប្រកួត Asia Champion League នេះ។

គិតត្រឹម ៥ ប្រកួតកន្លងមក ក្រុមថៃ មួយនេះ ឈ្នះ១ ស្មើ៣ និងចាញ់ ១ប្រកួត មាន៦ពិន្ទុក្នុងដៃ តាមពីក្រោយក្រុមចិន​ Guangzhou Evergrande ៣ពិន្ទុ និងតាមពីក្រោយក្រុមជប៉ុន Cerezo Osaka ចំនួន២ពិន្ទុ។ ប្រកួតក្រោយនេះ Burriram ត្រូវការឈ្នះជាចាំបាច់ ក្នុងជំនួបជាមួយ Jeju United នេះ ខណៈ Guangzhou ត្រូវទទួលក្រុម Cerezo Osaka ដែលនេះគឺជាក្តីសង្ឃឹមមួយសម្រាប់ក្រុម Burriram ក្នុងការប្រជែងឡើងទៅកាន់​វគ្គបន្តទៀត។

ដូច្នេះហើយ រង់ចាំមើលថា តើក្រុម Burriram United របស់ថៃមួយនេះ អាចយកឈ្នះក្រុម Jeju United ក្នុងការឡើងទៅកាន់វគ្គបន្ទាប់ទៀត​ ឬយ៉ាងណាវិញ។