ទម្រង់លេងរបស់ក្រុម Paris Saint Germain នៅចុងរដូវកាលនេះ ហាក់មានការប្រែប្រួលជាងមុនបន្តិច ដោយរាងធ្លាក់ជាងកាលពីដើមរដូវកាល និងពាក់កណ្តាលរដូវកាលកន្លងមក ដែលក្រុមអ្នកមានបារាំងមួយនេះ លេងបាន​យ៉ាងល្អបំផុតនោះ។

ជាក់ស្តែងណាស់ យប់មិញនេះ ក្រុម Paris Saint Germain ហក់វេទនាយ៉ាង​ខ្លាំង ក្នុងការតាមស្មើមកវិញ ជាមួយក្រុម Saint-Etienne ដែលឆិតធ្វើឲ្យ PSG ចាញ់ក្នុងការប្រកួតនេះផងដែរ។ Saint-Etienne បានស៊ុតនាំមុខមុនតាំងពីនាទីទី ១៧ ដោយការស៊ុតរបស់កីឡាករ​ Remy Cabella ខណ:នៅនាទីទី៣១ កីឡាកររូបនេះ ដដែលមានឱកាសស៊ុតបាល់ ១១ម៉ែត្រជាថ្មីម្តងទៀត​ តែធ្វើមិនបាន​សម្រេចឡើយ។ អ្វីដែលកាន់តែយ៉ាប់ជាងនេះទៅទៀត សម្រាប់ក្រុម Paris Saint Germain នោះ គឺនៅនាទីទី៤១ កីឡាករ Presnel Kimpembe ទទួលបានកាតលឿងលើកទី២ ជាហេតុធ្វើឲ្យកីឡាកររូបនេះ ទទួលបានកាតក្រហម​បណ្តេញចេញពីទីលាន ដោយធ្វើឲ្យក្រុម Paris Saint Germain នៅសល់តែសមាជិក ១០នាក់ប៉ុណ្ណោះក្នុងទីលាន។

ក៍ប៉ុន្តែ នៅនាទីទី ៩០+៣ ក្រុម Paris Saint Germain ហាក់មានទឹកមាត់លេបឡើងវិញ ក្រោយពីកីឡាករ Mathieu Debuchy របស់ក្រុម Saint-Etienne តែតចូលជាទីខ្លួនឯង ជាហេតុ​ធ្វើឲ្យក្រុម Paris Saint Germain អាចតាមស្មើមកវិញ ក្នុងការរកបាន១ពិន្ទុ ក្នុង​សប្តាហ៍នេះវិញ។

//www.youtube.com/watch?v=X7spXPxEPgo