ការប្រកួតបញ្ចប់វគ្គជម្រុះពូល F ក្នុងពានរង្វាន់ AFC Cup 2017 បឹងកេត ត្រូវប្រកួតជាមួយក្រុម Global FC នៅម៉ោង៧និង៣៥នាទីល្ងាចនេះ (ម៉ោងនៅកម្ពុជា) លើទីលានកីឡដ្ឋាន Rizal Memorial Football Stadium ទីក្រុង ម៉ានីល ប្រទេស ហ្វីលីពីន។

ក្រុមបឹងកេត ធ្លាប់ចាញ់ Global FC ម្តងមកហើយកាលពីថ្ងៃទី៣ ខែមីនា កន្លងទៅ ដោយលទ្ធផល ០ទល់២ នៅពហុកីឡដ្ឋានជាតិ រាជធានីភ្នំពេញ។

បច្ចុប្បន្ន បឹងកេត កំពុងឈរនៅចំណាត់ថ្នាក់លេខ៣ ក្នុងពូល F ដោយមាន៤ ពិន្ទុក្នុងដៃ ខណៈដែលបង្ហាញខ្លួនបាន៥លើក។

ការប្រកួតនេះក៏មានការផ្សាយផ្ទាល់តាមរយៈទូរទស្សន៍ BTV News ផងដែរ៕