Post News Media ព័ត៌មានកីឡា James និង Sal...

James និង Salah មានវាសនាជួបក្រុមចាស់របស់ពួកគេវិញ

បន្ទាប់ពី UEFA បានចាប់ឆ្នោតរួចមក បង្ហាញឲ្យឃើញថា ក្រុមហង្សក្រហម Liverpool ត្រូវទទួលក្រុមចចក Roma ខណ:ក្រុមអធិរាជស Real Madrid វិញត្រូវជួបក្រុម អាឡឺម៉ង់ Bayern Munich នៅវគ្គពាក់កណ្តាលផ្តាច់ព្រ័ត្រ Champion League ឆ្នាំនេះ។

ក្រោយពីការចាប់ឆ្នោតរួចនោះ អ្វីដែលគួរឲ្យចាប់អារម្មណ៍វិញនោះ គឺកីឡាករឆ្នើម ២រូប ដែលត្រូវជួបអតីតក្រុមរបស់ពួកគេ នាវគ្គដ៍សំខាន់មួយនេះ ខណ:វាជារឿង​មួយមិនគួរឲ្យជឿឡើយ។ ក្នុងនោះដែរ ខ្សែបម្រើប្រយុទ្ធកូឡុំប៊ី James Rodriguez ត្រូវលេងតទល់ជាមួយក្រុម Real Madrid ជាក្រុមចាស់របស់គេ ដែលបានផ្ទេរមកកាន់ Bayern Munich កាលពីរដូវក្តៅមុន ពោលមិនទាន់បាន ១រដូវកាលនៅឡើយទេ។

James លេចលឺពត៌មានល្ហិចល្ហៀងមកថា ក្រុម Real Madrid ចង់នាំយកទៅវិញ នៅរដូវកាលក្រោយនេះ ក៍ប៉ុន្តែ ខាង Bayern Munich វិញ ហាក់មានបំណងចង់ទិញយកផ្តាច់តែម្តង ក្រោយពីឃើញកីឡាករ​រូបនេះ មានទម្រង់លេងយ៉ាងល្អ ជាមួយក្លិប ក្នុងរយ:ពេលនៃការខ្ចីជើងកន្លងមក​នេះ។ ក្រលេកមកមើលខ្សែប្រយុទ្ធអេហ្ស៊ីប កំពុងល្បីល្បាញ និងទទួលបានការ​ចាប់អារម្មណ៍យ៉ាងខ្លាំង នាពេលបច្ចុប្បន្ននេះវិញ គឺ Mohamed Salah ក៍មិនខុស​ពី James Rodiguez ឡើយ ដោយរូបគេត្រូវជួបក្លិបចាស់របស់គេ AS Roma ។ Salah ចាកចេញ មកកាន់​ Liverpool មិនទាន់បានមួយរដូវកាល​ស្រួលបួលផង បែរជាត្រូវមកជួបក្លិបចាស់របស់គេវិញ តែការជួបនេះ មិនមែនជា​ការ​សួរសុខទុក ឬប្រកួតសាកជើងគ្នាឡើយ បែរជាមកក្នុងនាមជាគូបដិបក្ខ ប្រជែងគ្នា​ដូចសត្រូវ ដើម្បីឡើងទៅកាន់វគ្គផ្តាច់ព្រ័ត្រទៅវិញ។

ដូច្នេះហើយ ទាំង James Rodriguez និង Mohamed Salah សុទ្ធតែត្រូវប្រឈមមុខជាមួយក្លិបចាស់របស់ពួកគេ ក្នុងន័យស៊ីសាច់ហុតឈាមគ្នា នៅវគ្គពាក់កណ្តាលផ្តាច់ព្រ័ត្រ Champion League ដើម្បីស្វែងរកកៅអី វគ្គ​ផ្តាច់​ព្រ័ត្រ នៅទីក្រុងគាវ ប្រទេសអ៊ុយក្រែន។