ព័ត៌មានកីឡា

James៖ Real នឹងទទួលមេរៀនក្នុងការប្រកួតនេះ

អតីតកូនក្រុមលោក Zidane កីឡាករ James Rodriguez បានផ្ញើឱសានវាទដល់ក្រុម Real Madrid ក្នុងការប្រកួតជើងទី១ វគ្គពាក់កណ្តាលផ្តាច់ព្រ័ត្រ យប់នេះ។

ថ្វីបើ James Rodriguez មិនទាន់បញ្ចប់អាជីពជា​កីឡាកររបស់ក្រុម អធិរាជស Real Madrid ក៍ដោយ តែកីឡាករកូឡុំប៊ីរូបនេះ ចង់ឲ្យក្រុមយក្សអេស្ប៉ាញមួយ​នេះ ស្គាល់មេរៀន ដែលមិនផ្តល់ឱកាសដល់រូបគេ នាពេលកន្លងមកនេះ។ ជាក់ស្តែងណាស់ បើតាមការចុះ​ផ្សាយរបស់ The Mirror បានឲ្យដឹងថា James Rodriguez នឹងមិត្តរួមក្រុម បានរៀបចំរួចហើយ ក្នុងការ​ទម្លាក់ក្រុម Real Madrid ចេញពី Champion League ឆ្នាំនេះ។

James បាននិយាយថា Bayern Munich នឹងធ្វើឲ្យ Real Madrid ស្គាល់មេរៀនមួយ ដែលពួកគេ​មិនធ្លាប់ឆ្លងកាត់ នាពីរឆ្នាំចុងក្រោយនេះ ពោលគឺការជ្រុះចេញ ពី Champion League ដោយមិនឈ្នះពានណាមួយឡើយ ក្នុងរដូវកាលនេះ។ កីឡាករកូឡុំប៊ីរូបនេះ ចង់ឲ្យ Real Madrid បានដឹងពី​សមត្ថភាពពិតរបស់គេ ដែល Real Madrid បានមើលរំលង ដែលធ្វើឲ្យរូបគេខ្ចាត់ព្រាត់មកដល់ Bayern Munich នេះ។

ដូច្នេះហើយ ខ្សែបម្រើប្រយុទ្ធ James Rodriguez ចង់ទម្លាក់ Real Madrid ត្រឹមវគ្គពាក់កណ្តាលផ្តាច់​ព្រ័ត្រ​នេះ ក្នុងគោលបំណងឈ្នះពាន Champion League ឆ្នាំនេះជាមួយ Bayern Munich ។

មតិយោបល់