កំពូលខ្សែប្រយុទ្ធអន្តរជាតិពរទុយហ្គាល់ Cristiano Ronaldo ពិតជាព្រួយបារម្ភ ចំពោះការជួប Bayern Munich នៅវគ្គពាក់កណ្តាលផ្តាច់ព្រ័ត្រនេះ ដែលជាការ​ប្រកួតមួយមិនងាយស្រួលឡើងសម្រាប់ Real Madrid ដើម្បីឆក់ឱកាសឡើងទៅកាន់វគ្គផ្តាច់ព្រ័ត្រ Champion League នោះ។

បើតាមការចុះផ្សាយរបស់ កាសែត AS ពីប្រទេសអេ​ស្ប៉ាញ បានឲ្យដឹងថា​ Cristiano Ronaldo បារម្ភខ្លាំង​ចំពោះការជួប Bayern Munich ជាងជួប Paris Saint Germain និង Juventus ។ ខ្សែប្រយុទ្ធមុតស្រួចរូបនេះ បានឲ្យដឹងបន្ថែមថា Bayern Munich ជាក្រុមខ្លាំងមួយ ដែលមិនអាចមើលរំលងបានឡើយ ព្រោះថាក្លិប​អាឡឺម៉ង់​មួយនេះ មានប្រវត្តិមិនអន់ឡើយ នៅ Champion League ។

ថ្វីបើប៉ុន្មានឆ្នាំចុងក្រោយនេះ Real Madrid បានទម្លាក់ Bayern Munich ឲ្យជ្រុះចេញ ប៉ុន្មានដងក៍ដោយ តែ Real Madrid វិញ ក៍ធ្លាប់ជ្រុះ​ចេញ ក្រោមថ្វីជើង Bayern Munich ដូចគ្នា។ យ៉ាងណាវិញ Ronaldo បានតាំងចិត្តរួចហើយ ក្នុងការ​ទម្លាក់ Bayern Munich ដើម្បីមហិច្ចតា ឈ្នះពាន ៣ ឆ្នាំ​ជាប់គ្នា របស់ Real Madrid រួមទាំងអាចធ្វើឲ្យ Ronaldo មានសង្ឃឹមក្នុងការឈ្នះពាន Balon D’Or ជាលើកទី ៦ ផងដែរ។

ក៍ប៉ុន្តែ លទ្ធផលយ៉ាងណានោះ ត្រូវរង់ចាំអ៊ុតមើល ការប្រកួតរវាងក្រុមយក្សទាំងពីរនេះ​សិនខណៈ Bayern Munich ត្រូវការសងសឹក Real Madrid ឯ Real Madrid វិញ ត្រូវការឈ្នះ Champion League ជាចាំបាច់ ក្រោយពីរបូត Laliga និង Copa dey Rey រួចមក។