ក្រុមសេះបង្កង់ Juventus នៅតែរក្សាកំពូលតារាងដដែល ក្រោយពីវាយបកយកឈ្នះលើក្រុមជើងខ្លាំង Inter Milan បានមកវិញ នៅទឹកដីរបស់ក្រុម Inter Milan ។

នេះគឺជាការប្រកួតដ៍តានតឹងមួយ សម្រាប់ក្រុម Juventus ដើម្បីស្វែងរក៣ពិន្ទុ ក្នុងករបន្តឈ្នះពានលីគកំពូលអ៊ីតាលី រដូវកាលនេះទៀត ស្របពេលដែល Napoli មានពិន្ទុប្រកៀកប្រកិតគ្នាយ៉ាងខ្លាំង។ ថ្វីបើ Inter Milan ទទួលបានកាតក្រហម១ក្តីតែ Juventus ហាក់មិនងាយស្រួលក្នុងការយកឈ្នះ​លើក្រុម ជើងខ្លាំងអ៊ីតាលីមួយនេះឡើយ។ Juventus ស៊ុតនាំមុខតាំងពីនាទី​ទី១៣ ដោយកីឡាករវ័យក្មេង Dounglas Costa ខណ: Matias Vecino របស់ Inter Milan ទទួលបានកាតក្រហមនៅនាទីទី១៥។

នៅតង់ទី២ Inter Milan បើទោះបីជាលេង ១០-១១ នាក់ក៍ដោយតែអាចរកបាន ២គ្រាប់នាំមុខវិញ ស៊ុតនៅនាទីទី៥២ ដោយកីឡាករ Mauro Icardi និងគ្រាប់បាល់ចូលទីខ្លួនឯងរបស់កីឡាករ Andrea Barzagli នៅនាទីទី៦៥។ លទ្ធផលនាំមុខនេះ បានធ្វើឲ្យ Juventus ប្រឹងប្រែងយ៉ាងខ្លាំរហូតរកបាន ២គ្រាប់​វិញ នៅចុងម៉ោង ដោយគ្រាប់បាល់ចូលទីខ្លួនឯងវិញ នៅនាទីទី៨៧ របស់កីឡាករ Milan Skriniar និងនៅនាទីទី៨៩ Gonzalo Higuain ស៊ុតរកជ័យជម្នះចុង​ម៉ោងឲ្យក្រុម Juventus វិញ។

ដូច្នេះហើយ Juventus បន្តគ្រងតំណែងកំពូលតារាង ដដែល នាំមុខលើក្រុម​លេខ២ Napoli ៤ពិន្ទុ តែ Napoli នៅសល់១ប្រកួតក្នុងដៃ ដែលត្រូវលេងយប់​នេះ។

https://www.youtube.com/watch?v=3RBcpfRFH7c