Post News Media ព័ត៌មានកីឡា Ronaldo ជឿជាក...

Ronaldo ជឿជាក់លើកីឡាករម្នាក់នេះ

បន្ទាប់ពីខ្សែប្រយុទ្ធលំដាប់ពិភពលោក Cristiano Ronaldo ផ្តល់កាដូជាលើកទី​២ដល់ ខ្សែប្រយុទ្ធវ័យក្មេងអង់គ្លេស Marcus Rahford នោះ កីឡាករអន្តរជាតិ​ពរទុយហ្គាល់រូបនេះជឿជាក់ថា Rashford នឹងដើរតាមគម្លងរបស់រូបគេជាក់ជា​មិនខាន។

បើតាមការចុះផ្សាយរបស់ Sky Sports បានឲ្យដឹងថា Cristiano Ronaldo បានស្ងើចសរសើរយ៉ាងខ្លាំង ចំពោះទម្រង់លេងយ៉ាងល្អរបស់កីឡាករវ័យក្មេង​កំពុង​ឡើងជើង Marcus Rashford ។ វាមិនមែនជារឿងធម្មតាមួយឡើយ ដែល Ronaldo ផ្តល់កាដូដល់ទៅ២លើក ( លើកទី១​ ស្បែកជើង, លើកទី២ អាវ ) ដល់​កីឡាករម្នាក់ណានោះ។ ក៍ប៉ុន្តែ មិនត្រឹមតែផ្តល់កាដូប៉ុណ្ណោះទេ Ronaldo បាន​និយាយថា Rashford នឹងក្លាយជាកីឡាករល្អក្នុងលំដាប់អន្តរជាតិ នៅក្នុងពេលដ៍ខ្លីខាងមុខនេះ រួមទាំងមានឱកាសឈ្នះ Balon D’Or ជាក់ជាមិនខាន។ Ronaldo បានផ្តល់កម្លាំងចិត្តឲ្យ Rashford ប្រឹងប្រែងបន្តទៀត ដើម្បីជោគជ័យនៅថ្ងៃមុខ ដើម្បីពង្រឹងសមត្ថភាពឲ្យកាន់តែ​មានប្រជាប្រិយភាព កាន់តែខ្លាំងក្នុងពិភពបាល់ទាត់។

គួរបញ្ជាក់ផងដែរថា Cristiano Ronaldo បានដុះពន្លកក្លាយជាកីឡាករល្អបំផុត​ក្នុងពិភពលោក ដោយសារតែក្លិបបាល់ទាត់បីសាចក្រហម Manchester United នេះឯង ស្របពេលដែល Ronaldo ជឿជាកថា Rashford នឹងដើរតាម​គន្លងចាស់របស់គេ ដើម្បីក្លាយខ្លួនជាកីឡាករល្អបំផុតក្នុងពិភពលោក នាពេលខាង​មុខនេះ។