ក្រោយពីការសម្រឹចចិត្តចាកចេញយ៉ាងឆាប់រហ័សរបស់លោក Zinedine Zidane រួចមក ប្រធានក្លិប Real Madrid លោក Florentino Perez បានស្រក់ទឹកភ្នែក ចំពោះការបាត់បង់គ្រូដ៍ឆ្នើមរបស់ក្លិបរូបនេះ។
ជាក់ស្តែងណាស់ បើតាមការចុះផ្សាយរបស់ The Goal បានឲ្យដឹងថា លោក Florentino Perez ពិតជាសោកស្តាយយ៉ាងខ្លាំងចំពោះ ការចាកចេញរបស់ លោក Zidane ពីក្រុម Real Madrid ។ លោក Perez បាននិយាយថា៖ វាជារឿងខកចិត្តមួយ សម្រាប់ខ្ញុំ ក៍ដូចជាក្រុម Real Madrid ទាំងមូល ដែលត្រូវបាត់បង់គ្រូអស្ចារ្យ បែបនេះ។ ខ្ញុំមិនបានដឹងរឿងនេះឡើយ Zidane សម្រចចិត្តភ្លាមៗ ខណ:ខ្ញុំទើបតែដឹងរឿងនេះដែរ ដែលធ្វើឲ្យខ្ញុំ ពិបាកក្នុងចិត្តយ៉ាងខ្លាំង ចំពោះបញ្ហានេះ។ យើងពិតជាសោកស្តាយ Zidane ខ្លាំងណាស់ គា់បានផ្តល់អ្វីៗ ជាច្រើនដល់យើង នោះគឺពានរង្វាន់ ដែលគ្រូជាច្រើនមិនអាចធ្វើដូចគាត់បានឡើយ។
គួរបញ្ជាក់ផងដែរថា នេះគឺជាលើកទី១ ហើយដែលលោក Florentino Perez ស្រក់ទឹកភ្នែក នៅពេលដែលគ្រូបង្វឹក Real Madrid សម្រេចចិត្តចាកចេញ ខណ:កន្លងមកនេះ ក្លិប Real Madrid តែងតែផ្លាស់ប្តូរគ្រូ មុនកុងត្រា ដែលខុសពី Zidane សម្រេចចិត្តចាកចេញដោយខ្លួនឯង។
មតិយោបល់