Post News Media ព័ត៌មានកីឡា កីឡាករកំពុងឡើ...

កីឡាករកំពុងឡើងជើងនៅ Manchester City មិនជាប់ជម្រើសជាតិ

ខ្សែបម្រើប្រយុទ្ធ ក្រុម Manchester City កីឡាករ Leroy Sane មិនត្រូវបានលោក Joachim Low គ្រូជម្រើសជាតិអាឡឺម៉ង់ ជ្រើសរើសឲ្យចូល​ក្នុងក្រុមជម្រើសជាតិអាឡឺម៉ង់ យកទៅលេង World Cup នៅរុស្ស៊ីឡើយ។

បើតាមការចុះផ្សាយរបស់ The Goal បានឲ្យដឹងថា កីឡាករវ័យក្មេង កំពុងឡើងជើង Leroy Sane ខកបំណងយ៉ាងខ្លាំង ដែលមិនមានឈ្មោះទៅ​លេង World Cup ជាមួយក្រុមជម្រើសជាតិអាឡឺម៉ង់។ ដោយសារតែ ធនធានកីឡាកររបស់ អាឡឺម៉ង់ មានច្រើន បានធ្វើឲ្យ Sane មិនត្រូវបានផ្តល់ឱ​កាស ឲ្យឡើយ សម្រាប់ក្រុមជម្រើសជាតិអាឡឺម៉ង់។ ការខកខាននេះដែរ មិនត្រឹមតែអ្នកគាំទ្រ កីឡាកររូបនេះ សូម្បី Leroy Sane ផ្ទាល់ ប្រហែលជាស្តាយ​មិនតិចទេ ចំពោះការអវត្តមាននេះ ព្រោះថា វាគឺជាព្រឹត្តិការណ៍ ដ៍ធំរបស់ពិភពលោក ដែលកីឡាករជាច្រើន មានក្តីប្រាថ្នាចង់លេង ក្នុងព្រឹត្តិការណ៍នេះ។

ដូច្នេះហើយ ខ្សែបម្រើប្រយុទ្ធ Leroy Sane របស់ក្រុម Manchester City មិនត្រូវបានលោក Joachim Low ផ្តល់ឱកាសឲ្យលេង World Cup នៅរុស្ស៊ី​ឡើយ។