ក្រុមម្ចាស់ផ្ទះរុស្ស៊ី និងក្រុមជើងខ្លាំងមកពីតំបន់អាមេរិកឡាទីន អ៊ុយរ៉ាហ្គាយ បានក្លាយជាក្រុម ២ដំបូងកក់កៅអី ទៅកាន់វគ្គ ១៦ក្រុមចុងក្រោយហើយ ក្រោយពីក្រុមទាំង២នេះ បានឈ្នះ ២ប្រកួតបើកឆាករបស់ពួកគេដូចៗគ្នា។
ត្រឹម ១គ្រាប់របស់ Luis Suarez នៅនាទីទី ២៣ បានធ្វើឲ្យអ៊ុយរ៉ាហ្គាយ ចាប់ដៃគ្នា ជាមួយម្ចាស់ផ្ទះរុស្ស៊ី ក្នុងការឡើងទៅកាន់វគ្គបន្តទៀត បើទោះបីជានៅសល់ ១ប្រកួតក្នុងដៃទៀតក៍ដោយ។ អ៊ុយរ៉ាហ្គាយ និង រុស្ស៊ី ពិតជាធ្វើបានយ៉ាងល្អ សម្រាប ២ប្រកួតកន្លងមកនេះ ដោយសុទ្ធសឹងយកឈ្នះ ការប្រកួត របស់ពួកគេបានដូចៗគ្នា ដើម្បីកក់កៅអី វគ្គបន្ទាប់ ដោយមាន ៦ពិន្ទុដូចគ្នា តែរុស្ស៊ី ឈរកំពូលតារាងបណ្តោះអាសន្ន ដោយសារមានគ្រាប់បាល់ច្រើនជាង។
យ៉ាងណាវិញ បើយើងក្រឡេកមើល ទៅក្រុមអេហ្ស៊ីបវិញ បានត្រៀមបង្វេចត្រឡប់ទៅស្រុកវិញហើយ ព្រោះថាក្រុមមួយនេះ បានបរាជ័យ ២ប្រកួតជាប់គ្នា ដែលមានន័យថា នៅសល់១ប្រកួតទៀតប៉ុណ្ណោះ សម្រាប់បង្រ្គប់កិច្ចរបស់ពួកគេ ខណៈ Mohmed Salah ក៍ត្រូវអស់ឱកាសបង្ហាញសមត្ថភាព បន្តទៀតផងដែរ។
ដូច្នេះហើយ រវាងរុស្ស៊ី និងអ៊ុយរ៉ាហ្គាយ សម្រាប់ប្រកួតក្រោយនេះ មិនសំខាន់ខ្លាំងសម្រាប់ក្រុមទាំង២ឡើយ ដោយពួកគេ លេងដើម្បីយកតំណែងកំពូលតារាងប៉ុណ្ណោះ មិនមែនដើម្បីផ្តាច់ប្តូរឡើយ។
https://www.youtube.com/watch?v=6v1GunojPZ4
មតិយោបល់