Post News Media ព័ត៌មានកីឡា ក្រូអាត លុតអា...

ក្រូអាត លុតអាហ្សង់ទីន យ៉ាងចាស់ដៃ

នេះគឺជារឿងដ៍ភ្ញាក់ផ្អើលមួយ បានកើតឡើងសារជាថ្មី ចំពោះក្រុមជម្រើសជាតិ​អាហ្សង់ទីន បន្ទាប់ពីបើកឆាកបានត្រឹមស្មើអ៊ីស្លង់ ខណ:ពេលនេះ មកទទួលបរាជ័យក្រោមថ្វីជើងក្រុមក្រូអាតយ៉ាងចាស់ដៃទៀត។

ជាក់ស្តែងណាស់ អាហ្សង់ទីន បានរងការបរាជ័យសឹងមិនគួរឲ្យជឿ ក្រោមថ្វីជើង ក្រូអាត រហូតដល់ទៅ ៣-០ ដែលពួកគេមិនអាចតដៃវិញបានឡើយ សូម្បី១គ្រាប់។ ៣គ្រាប់របស់ក្រូអាត សុទ្ធសឹងរកបាន នៅតង់ទី២ ទាំងអស់ ពោលស៊ុតបានដោយកីឡាករ Ante Rebic នៅនាទីទី៥៣, Luka Modric នៅនាទីទី៨០ និងគ្រាប់បាល់ចុងក្រោយ រកបានដោយកីឡាករ Ivan Rakitic នៅនាទីទៅ ៩០+១ ។

តាមរយ:លទ្ធផលនេះដែរ បានធ្វើឲ្យអាហ្សង់ទីន ឍអាចប្រឈមមុខនឹងការជ្រុះចេញពី ពានរង្វាន់ World Cup នេះដោយរង់ចាំអ៊ុតមើលលទ្ធផល របស់អ៊ីស្លង់ជាមួយ នីហ្សេរីយ៉ា យប់នេះសិន។ ប្រសិនបើ អ៊ីស្លង់ ឈ្នះវិញ អាហ្សង់ទីន មានភាគរយតិចណាស់ ក្នុងការឡើងទៅវគ្គ​បន្ត ព្រោះថា ក្រូអាត ឡើងដោស្វ័យប្រវត្តិហើយ ទំនងជាពួកគេមិនឲ្យអាហ្សង់ទីន​ជាក្រុមខ្លាំងឡើងឡើយ ច្បាស់ជាផ្តល់ឱកាសឲ្យអ៊ីស្លង់ ជាក់ជាមិនខាន។

ដូច្នេះហើយ អាហ្សង់ទីន ត្រូវរង់ចាំអ៊ុតមើល ការប្រកួតរវាងអ៊ីស្លង់ និងនីហ្សេរីយ៉ាចាំ​បាច់បំផុត ដោយរំពឹងថា ក្រុមទាំង២នេះ បានត្រឹមស្មើគ្នា ឬនីហ្សេរីយ៉ា​ជាអ្នកឈ្នះ ដោយមិនចង់ឃើញ អ៊ីស្លង់ឈ្នះឡើយ។