ផ្ទះ ព័ត៌មានកីឡា Lukaku តាមស្ម...

Lukaku តាមស្មើគ្រាប់បាល់ Ronaldo

0

ខ្សែប្រយុទ្ធស្បែកខ្មៅរបស់ក្រុមជម្រើសជាតិប៊ែលហ្ស៊ិក Romelu Lukaku ពិតជាធ្វើបានយ៉ាងល្អ ក្នុងព្រឹត្តិការណ៍ World Cup ២០១៨ ក្នុងប្រទេសរុស្ស៊ី ឆ្នាំនេះ ដោយលេងបាន ២ប្រកួត ស៊ុតបាន ៤គ្រាប់ហើយ ឲ្យជម្រើសជាតិ។

២គ្រាប់ របស់ lukaku ក្នុងការជួយក្រុមប៊ែលហ្ស៊ិកយកឈ្នះ ទុយនេស៊ី ដល់ ទៅ ៥-២ យប់មិញនេះ បានធ្វើឲ្យខ្សែប្រយុទ្ធ របស់ក្រុមបីសាចក្រហម Manchester United រូបនេះ តាមទាន់គ្រាប់បាល់របស់កំពូលខ្សែប្រយុទ្ធ Cristiano Ronaldo ។ ជាការពិតណាស់ Romelu Lukaku ស៊ុតបាន ៤គ្រាប់ហើយ ស្មើជាមួយ Ronaldo ដែលចំណាយ ២ប្រកួតដូចគ្នា ស៊ុតបាន ៤គ្រាប់ដូចគ្នាដែរ ខណ: Lukaku ស៊ុត១ប្រកួត២គ្រាប់ ចំណែក Ronaldo វិញប្រកួតដំបូង ៣គ្រាប់ ហើយប្រកួតបន្ទាប់ ១គ្រាប់។ យ៉ាងណាវិញ Lukaku និង Ronaldo នឹងបន្តប្រជែងគ្នា ជាបន្តទៀត ក្នុងការប្រកួតទី៣ នៃការបញ្ចប់ពូលរបស់ពួកគេ ស្របពេលដែលប៊ែលហ្ស៊ិក កក់កៅអី រួចស្រេច បើទោះបីជួបអង់គ្លេស​ខណ:ពរទុយហ្គាល់ ត្រូវតែឈ្នះដាច់ខាតលើអ៊ីរ៉ង់។

ដូច្នេះហើយ Romelu Lukaku និង Cristiano Ronaldo កំពុងតែឈរកំពូល​តារាង នៃអ្នកស៊ុតបញ្ចូលទីច្រើនជាងគេ ខណ:លទ្ធផលនេះ នឹងប្រែប្រួល ក្នងជុំទី៣ ព្រោះថា កីឡាករមួយចំនួន ក៍មានគ្រាប់បាល់ប្រកៀកប្រកិតជាមួយកី​ឡាករទាំង២ រូបនេះផងដែរ។

Loading...