ពាក្យតោក្រដាសដែលត្រូវបានគេហៅទៅលើរហស្សនាម របស់ក្រុមតោកំណាចនា​ពេលកន្លងមនេះ កំពុងតែត្រូវលុបបំបាត់បណ្តើរៗហើយ បន្ទាប់ពីក្រុមប្រជុំយុវជន​ឆ្នើមៗមួយនេះ បានឡើងទៅកាន់វគ្គពាក់កណ្តាលផ្តាច់ព្រ័ត្រ ព្រឹត្តិការណ៍ World Cup ២០១៨ នេះ។

ជាក់ស្តែងណាស់ ក្រោយពីយកឈ្នះក្រុមស៊ុយអ៊ែត ២-​០ រួចមក បានធ្វើឲ្យ​អង់គ្លេស បន្តឡើងទៅកាន់វគ្គពាក់កណ្តាលផ្តាច់ព្រ័ត្រ World Cup ហើយ ដោយត្រូវជួបក្រុមខ្លាំងក្រូអាត ដែលបានយកឈ្នះម្ចាស់ផ្ទះរុស្ស៊ី ដោយបាល់ ១១ម៉ែត្រកាត់សេចក្តី។ ក្រោយពីឈ្នះ ស៊ុយអ៊ែតនេះដែរ​ បានធ្វើឲ្យ អង់គ្លេស ត្រូវបានគេរំពឹងថា រហស្សនាម តោក្រដាសរបស់ពួកគេនឹងត្រូបបញ្ចប់ជាបណ្តើរៗ ជាពិសេសនោះ ប្រសិនបើអងគ្លេសអាច យកឈ្នះក្រូអាតទៀតនោះ ច្បាស់ណាស់ តោក្រដាសអង់គ្លេស នឹងក្លាយទៅជាតោកំណាចវិញ ជាក់ជាមិនខាន​។ យ៉ាងណា​វិញ នាពេលកន្លងមកនេះ ឈុតយុវជន របស់អង់គ្លេស បានសាងសមិទ្ធិផល តាម​រយ:ការឈ្នះជាច្រើន ខណ:នេះ គឺជាពេលមួយសម្រាប់ក្រុមឈុតធំ ដែលត្រូវ ធ្វើ​យ៉ាងណាដណ្តើមយកពាន World Cup ឲ្យបានដើម្បីឲ្យដូចយុវជនរបស់ពួកគេ។

គួរបញ្ជាក់ផងដែរថា នៅវគ្គពាក់កណ្តាលផ្តាច់ព្រ័ត្រនេះដែរ​ ក្រុមជម្រើសជាតិបារាំង​ត្រូវជួបក្រុមជម្រើសជាតិប៊ែលហ្ស៊ិក ចំណែកឯអង់គ្លេសវិញ ត្រូវទទួលក្រុមខ្លាំង​ក្រូអាត ដែល៤ក្រុមខាងលើនេះ សុទ្ធសឹងជាក្រុមមកពីតំបន់អឺរ៉ុបទាំងអស់។