ការសម្រេចចិត្តលក់ Cristiano Ronaldo ក្នុងតម្លៃ ១០០លានអឺរ៉ូ កន្លងមកនេះ ត្រូវបានលោក Florentino Perez ងាកមកចង់បានតម្លៃផ្តាច់កុងត្រា ១ពាន់លានអឺរ៉ូ​វិញ បន្ទាប់ពីទទួលបានការរិះគន់យ៉ាងច្រើន ពីសំណាក់អ្នកគាំទ្ររបស់ក្រុម Real Madrid យ៉ាងចាស់ដៃនោះ។

ជាក់ស្តែងណាស់ បើតាមការចុះផ្សាយរបស់ Mundo Deportivo បានឲ្យដឹងថា តម្លៃផ្តាច់កុងត្រា របស់ Ronaldo ជាមួយ Real Madrid ទំនងជាមិនអាចរារាំង ដំណើរចាកចេញ របស់កំពូលខ្សែប្រយុទ្ធ លំដាប់កំពូលរូបនេះឡើយ។ ជាការពិត​ណាស់ នាពេលកន្លងមក Real Madrid បានយល់ព្រមលក់ Ronaldo ក្នុងតម្លៃ ១០០លានអឺរ៉ូហើយ​ តែក្រោយពីទទួលបានការរិះគន់ជាច្រើនមកនេះ លោក Florentino Perez បានផ្លាស់ប្តូរតម្លៃនេះ ដោយចង់បានតម្លៃផ្តាច់កុងត្រា ១ពាន់​អឺរ៉ូ​វិញ។

ប្រភពខាងលើដដែល បានឲ្យដឹងទៀតថា បើសិនជាមិនអាចទទួលបាន​តម្លៃដូចផ្តាច់កុងត្រាទេនោះ យ៉ាងហោចណាស់ ក្លិបដែលចង់បាន Ronaldo គួរចំណាយ យ៉ាងហោចណាស់ ៦៨៥លានអឺរ៉ូ ទៅ ៨២៥លានអឺរ៉ូដែរ ទើបអាចនាំយក Ronaldo ចេញពី Real Madrid បាន។ ក៍ប៉ុន្តែ ប្រភពដដែល​ក៍បានបញ្ជាក់បន្ថែមផងដែរថា ទំនងជាក្រុមសេះបង្កង់ Juventus ចំណាយត្រម ១៣០លានអឺរ៉ូប៉ុណ្ណោះ នឹងអាចនាំយក Ronaldo ទៅកាន់អ៊ីតាលីបាន ព្រោះថា តម្លៃផ្តាច់កុងត្រា ដែលលោក Perez ដាក់ជាថ្មី តាមរយៈកុងត្រាមិនទាប់ចប់នោះ គ្រាន់ជាលេសលួងចិត្តអ្នកគាំទ្រប៉ុណ្ណោះ ខណសមីខ្លួនកីឡាករ មានបំណងចង់​ចាកចេញហើយ។

ដូច្នេះហើយ តើលោក Florentino Perez ប្រើតម្លៃផ្តាច់កុងត្រា ១ពាន់លានអឺរ៉ូ ដើម្បីរារាំងការចាកចេញរបស់ Cristiano Ronaldo ទទួលបានលទ្ធផលឬទេ​ ស្របពេលដែល កីឡាកររូបនេះ មិនចង់បន្តជាមួយ Real Madrid ទៀតឡើយ។