ការព្យាយាមរបស់ក្រុមជម្រើសជាតិបារាំង ពិតជាទទួលបានលទ្ធផលជាផ្លែផ្កាមែន ដោយក្រុមដែលមានរហស្សនាមថា មាន់គកមួយនេះ បានយកឈ្នះក្រូអាតនៅវគ្គផ្តាច់ព្រ័ត្រ ក្នុងលទ្ធផល ៤-២ ក្លាយជាជើងឯក World Cup ឆ្នាំ ២០១៨។
ប្រៀបដូចការរំពឹងទុក ក្រុមជម្រើសជាតិបារាំង ពិតជាមិនខកឱកាសដូច Euro ឡើយ ដែលបទពិសោធន៍នេះ បានធ្វើឲ្យបារាំង អាចដណ្តើមបានពានរង្វាន់ជូនមាតុភូមិរបស់ពួកគេវិញ។ ជាការពិតណាស់ បារាំងបានខកខានឈ្នះពាន World Cup នេះអស់រយ:ពេល ២០ឆ្នាំកន្លងមកហើយ ពោលបារាំងធ្លាប់ឈ្នះលើកដំបូងកាលពីឆ្នាំ ១៩៩៨ ខណ:ឆ្នាំ ២០១៨នេះ គឺជាលើកទី២ ហើយដែលបារាំង បានក្លាយជាជើងឯក World Cup នេះ។ មិនត្រឹមតែឈ្នះ World Cup ឡើយកីឡាករវ័យក្មេង Kylian Mbappe បានក្លាយជាកីឡាករវ័យក្មេងបំផុត ឈ្នះពានរង្វាន់ Youngest Player Award ដែលនេះបង្ហាញឲ្យឃើញថា សករាជរបស់បារាំងកំពុងតែចាប់ផ្តើមហើយ។
ដូច្នេះហើយ ក្រុមជម្រើសជាតិបារាំងឆ្លងកាត់ឧបសគ្គជាច្រើនកន្លងមក ពួកគេបានក្លាយជាជើងឯក World Cup ប្រចាំឆ្នាំ ២០១៨ នេះដែលរៀបចំឡើងក្នុងប្រទេសរុស្ស៊ី។
មតិយោបល់