ខ្សែប្រយុទ្ធបារាំងវ័យក្មេង Kylian Mbappe ដែលទើបតែឈ្នះពានកីឡាករវ័យក្មេងល្អជាងគេក្នុងព្រឹត្តិការណ៍ World Cup នាពេលថ្មីៗនេះ កំពុងទទួលបានការចាប់អារម្មណ៍យ៉ាងច្រើនពីសំណាក់ក្លិបបាល់ទាត់ធំៗ ដែលចង់បានកីឡាករឆ្នើមរូបនេះ។
យ៉ាងណាវិញ បើតាមការចុះផ្សាយ របស់ The Mirror បានឲ្យដឹងថា Kylian Mbappe បានប្រកាសក្តែងៗ ក្រោយឈ្នះពាន Youngest Player Award ថា រូបគេនឹងមិនចាកចេញពីក្រុម Paris Saint Germain ឡើយ នារដូវក្តៅខាងមុខនេះ។ ជាក់ស្តែងណាស់ Mbappe កំពុងតែទទួលបានការចាប់អារម្មណ៍យ៉ាងខ្លាំងពីសំណាក់ក្រុមយក្សអេស្ប៉ាញ Real Madrid ដែលកំពុងតែព្យាយាម តាមប្រមាញ់កីឡាកររូបនេះ យ៉ាងខ្លាំងក្លាបំផុត។ ក៍ប៉ុន្តែ តាមរយ:ការអះអាងរបស់ Mbappe ក្រោយចប់ World Cup ថ្មីៗនេះ បង្ហាញឲ្យឃើញថា យុវជនបារាំងវ័យ ១៩ឆ្នាំរូបនេះ មិនចង់ចាកចេញពី ក្រុម Paris Saint Germain ឡើយ ខណ: Mbappe ចង់ជួយក្លិបជើងឯកបារាំងមួយនេះ ឲ្យទទួលបានជោគជ័យនៅពានអឺរ៉ុបសិន។
ដូច្នេះហើយ កីឡាករវ័យក្មេង កំពុងមានប្រជាប្រិយភាព Kylian Mbappe សម្រេចចិត្តមិនចាកចេញពី Paris Saint Germain ឡើយ ជាហេតុធ្វើឲ្យ Real Madrid ខកចិត្តយ៉ាងខ្លាំង។
មតិយោបល់