ក្រុមជើងឯកអេស្ប៉ាញ Barcelona ជិតទទួលបានខ្សែបម្រើឈីលី Arturo Vidal ហើយក្រោយពីកីឡាកររូបនេះ សម្រេចចិត្តយល់ព្រមផ្លាស់មកកាន់ Camp Nou ដោយគ្មានការជំទាស់ណាមួយពីក្រុម Bayern Munich ឡើយ។
បើតាមករចុះផ្សាយរបស់ The Goal បានឲ្យដឹងថា ក្រុម Barcelona បានយល់ព្រមទិញយក Arturo Vidal ពីក្រុម Bayern Munich ក្នុងតម្លៃ ២៧លានផោន។ ជាការពិតណាស់ Barcelona និង Vidal បានឈានដល់ការយល់ព្រមជាមួយគ្នាហើយ ដោយរង់ចាំតែការពិនិត្យសុខភាព និងការចុះកុងត្រាជាផ្លូវការណ៍ប៉ុណ្ណោះ។
ក្នុងនោះដែរ ខាងក្រុម Bayern Munich វិញ ហាក់មិនរារាំងដំណើរចាកចេញរបស់ Vidal ឡើយ ដោយយល់ព្រមឲ្យកីឡាករឈីលីរូបនេះ ផ្លាស់មកកាន់ក្រុម Barcelona ផងដែរ។ គួរបញ្ជាក់ផងដែរថា Arturo Vidal គឺជាអតីតយុវជនរបស់ក្រុម Colo Colo រួចមកលងឲ្យក្រុម Bayer Leverkusen ក្នុងឆ្នាំ ២០០៧ ហើយបន្តទៅលេងឲ្យក្រុមសេះបង្កង់ Juventus និងចុងក្រោយបកមកលេងឲ្យ Bayern Munich វិញ។
ដូច្នេះហើយ ក្រុម Barcelona នឹងទួលបានសមាជិកថ្មី ជាខ្សែបម្រើដ៍ឆ្នើមក្នុងពេលឆាប់ៗនេះ គឺកីឡាករ Arturo Vidal ពីក្រុម Bayern Munich ក្នុងតម្លៃ ២៧លានផោន។
មតិយោបល់