ខ្សែប្រយុទ្ធអន្តរជាតិពរទុយហ្គាល់ Cristiano Ronaldo ថ្វីបើតម្លៃផ្ទេរមិនខ្ពស់​ត្រឹម ១០០លានអឺរ៉ូក្តី តែតម្លៃពលកម្មនៅអ៊ីតាលីវិញ ខ្ពស់កប់មិនមានកីឡាករ​រូបណាថ្លៃដូចឡើយ។

ជាក់ស្តែងណាស់ បើតាមការចុះផ្សយរបស់ The Goal បានឲ្យដឹងថា តម្លៃពលកម្ម​របស់ Ronaldo នៅក្រុមសេះបង្កង់ Juventus មានរហូតដល់ទៅ ៣១លានអឺរ៉ូ ពោលជាតម្លៃមួយដែលខ្ពស់ជាងគេបំផុតនៅក្របខណ្ឌកំពូលរបស់ប្រទេសអីតាលី​មិនធ្លាប់មានឡើយ។​ ក្នងនោះដែរ បើប្រៀបធៀបតម្លៃពលកម្មរបស់កីឡាករកំពូល​ជាមួយនឹងកីឡាករដែលមានតម្លៃពលកម្មកំពូល ៤រូបផ្សេងទៀតនៅអ៊ីតាលីឃើញ​ថា បួនរូបបូកបញ្ចូលគ្នា នៅទាបជាងតម្លៃពលកម្មរបស់ Ronaldo ដដែល។

កីឡាករដែលឈរលេខ២បន្ទាប់ពី Ronaldo គឺខ្សែប្រយុទ្ធអាហ្សង់ទីន Gonzalo Higuain មានតម្លៃពលកម្ម ៩លានអឺរ៉ូក្នុង១ឆ្នាំ, Paulo Dybala មានតម្លៃពលកម្ម ៧លានអឺរ៉ូ, Dounglas Costa និង Gianluigi Dunnaruman មានតម្លៃពលកម្ម៦លានអឺរ៉ូដូចគ្នា សរុបទាំង៤រូបនេះ មានតម្លៃត្រឹមតែ២៨លានអឺរ៉ូប៉ុណ្ណោះ ខណ: Ronaldo ម្នាក់មានតម្លៃពលកម្ម​រហូតដល់ទៅ ៣១លានអឺរ៉ូ។

ដូច្នេះហើយ តម្លៃពលកម្មប្រចាំឆ្នាំរបស់កីឡាករកំពូល ៤រូបនៅអ៊ីតាលី នបូកបញ្ចូលគ្នា នៅទាបជាងតម្លៃពលកម្មរបស់កំពូលខ្សែប្រយុទ្ធ Cristiano Ronaldo តែម្នាក់ប៉ុណ្ណោះ។