ក្រុមអធិរាជស Real Madrid នៅតែមានទម្រង់លេងល្អដដែល ពោលកីឡាករ​ពោរពេញទៅដោយសមត្ថភាព និងទេពកោល្យល្អៗ ក្នុងទីលាន ពោលចង់ខ្លាំងជាង​កាលមាន Ronaldo ទៀត។

ជាក់ស្តែងណាស់ Real Madrid បានយកឈ្នះលើក្រុមជើងខ្លាំងអ៊ីតាលី AC Milan ក្នុងលទ្ធផល ៣-១ នាការប្រកួតមិត្តភាព មុនបើករដូវកាលក្នុងពេលដ៍ខ្លី​ខាងមុខនេះ។ ៣គ្រាប់របស់ Real Madrid រកបានដោយខ្សែប្រយុទ្ធបារាំង Karim Benzema នៅនាទីទី២, Gareth Bale នៅនាទីទី៤៥ និង Bojar Mayoral នៅនាទីទី៩០ ខណៈ១គ្រាប់របស់ AC Milan វិញ រកបានដោយ ខ្សែប្រយុទ្ធអាហ្សង់ទីន ទើបខ្ចីជើងពីក្រុម Juventus កីឡាករ Gonzalo Higuain នៅនាទីទី៤។

ការយកឈ្នះ AC Milan ៣-១ នេះដែរ ដូចទៅនឹងការយកឈ្នះ Juventus ក្នុងលទ្ធផលបែបនេះដូចគ្នា ដែលនេះបង្ហាញឲ្យឃើញថា Real Madrid លុតសុទ្ធតែក្រុមខ្លាំងៗនៅអ៊ីតាលី ដោយមិនចាំបាច់មានវត្តមាន Cristiano Ronaldo ឡើយ។

ដូច្នេះហើយ ក្រុម Real Madrid នៅតែមានទម្រង់លេងល្អដដែល បើទោះបីជាគ្មាន​វត្តមាន Ronaldo ខណៈ Champion League ឆ្នាំនេះ Real នៅតែជាគីឡូធ្ងន់ មិនអាចមើលរំលងបានដដែល។

https://www.youtube.com/watch?v=KEWWsr4E5kM