បើទោះបីជាក្រុមសេះបង្កង់ Juventus បើកកីឡារដ្ឋានទទួលក្រុម Young Boys ដោយមិនមានវត្តមានកំពូលខ្សែប្រយុទ្ធអន្តរជាតិពរទុយហ្គាល់ Cristiano Ronaldo ក៍ដោយ តែក្រុមដែលមានមូលដ្ឋាននៅតំបន់ Turin មួយនេះនៅតែធ្វើបានយ៉ាងល្អដដែល។
ក្នុងនោះដែរ កីឡាករអាហ្សង់ទីន ដែលចាប់ផ្តើមរដូវកាលមិនសូវបានល្អកន្លងមកនេះ Paulo Dybala បែរជាធ្វើបានយ៉ាងល្អ ដោយស៊ុតបញ្ចូលទីបាន ៣គ្រាប់ក្នុងការជួយក្រុម Juventus យកឈ្នះក្រុម Young Boys ក្នុងលទ្ធផល ៣-០ ។ តាមរយ:ការស៊ុតយ៉ាងល្អបែបនេះ Juventus ឡើងឈរកំពូលតារាងនៃពូល H ដោយមាន ៦ពិន្ទុ ខណ: Man Utd មានត្រឹម ៤ពិន្ទុ Valancia មាន ១ពិន្ទុ និង Young Boys មិនទាន់មានពិន្ទុឡើយ។ គួរបញ្ជាក់ផងដែរថា ប្រកួតក្រោយក្រុមសេះបង្កង់ Juventus នឹងត្រូវធ្វើដំណើរទៅកាន់ទឹកដី Old Trafford របស់ក្រុមបិសាចក្រហម Manchester United ខណ: Cristiano Ronaldo ក៍មានវត្តមានក្នុងការប្រកួតនោះដែរ។
ដូច្នេះហើយ ខ្សែប្រយុទ្ធអាហ្សង់ទីន Paulo Dybala បានដើរតួនាទីយ៉ាងសំខាន់ឲ្យក្រុមជើងឯកអ៊ីតាលី Juventus ដោយមិនមានវត្តមានរបស់កីឡាករសំខាន់ Ronaldo ឡើយ។
មតិយោបល់