ក្រុមអគ្គស្នងការដ្ឋាននគរបាលជាតិ បានស្គាល់ជ័យជម្នះជាលើកដំបូងក្នុងលីគកំពូលកម្ពុជា ក្រោយបំបាក់ព្រះខ័នរាជស្វាយរៀង មួយទល់និងសូន្យ មុននេះបន្តិចនៅកីឡដ្ឋានវេស្ទើន។

ចាប់ផ្តើមការប្រកួត ស្វាយរៀង ហាក់ធ្វើបានល្អជាង ប៉ុន្តែការជម្នះប្រយុទ្ធចង់ឈ្នះពេក ធ្វើឲ្យប៉ូលិសបានបាល់ដាច់មាត់មួយអូសទៅមុខទី និងស៊ុតនាំមុខបានសម្រេចនៅនាទីទី១៧។ លទ្ធផលនេះ រក្សារហូតចប់ការប្រកួត បើទោះក្រុមទាំងពីរវាយលុកគ្នាយ៉ាងណាក៏ដោយ នៅតែពុំអាចរកគ្រាប់បាន។

នេះជាជ័យជម្នះលើកទី១របស់ប៉ូលិស ក្នុងចំណោមការប្រកួត១២លើក ស្មើ០៥ ចាញ់៦ និងឈ្នះ០១ ចំណែកព្រះខ័នរាជស្វាយរៀង ឈ្នះ០៧ ស្មើ០១ និង ចាញ់០៤៕