ក្រុមបាល់ទាត់យុវជនអាយុក្រោម១៦ឆ្នាំវៀតណាម បានបំបាក់ក្រុមកង់គូរូអូស្ត្រាលី ៣ទល់និង០ មុននេះបន្តិចនៅពហុកីឡដ្ឋានជាតិ ក្នុងវគ្គសន្សំពិន្ទុពានរង្វាន់ AFF U16 Championship ឆ្នាំ២០១៦។

ការប្រកួតចាប់ផ្តើមនៅវគ្គទី១ វៀតណាម ធ្វើបានល្អជាង ដោយបង្កើតឱកាសស៊ុតជាច្រើន ខណៈអូស្ត្រាលីហាក់នៅខ្សោយនៅតំបន់ខាងលើ។ ការប្រកួតឈានដល់នាទីទី១៧ កីឡាករ UONG NGOC TIEN បានស៊ុតនាំមុខមួយគ្រាប់ឲ្យវៀតណាម មុននឹងកីឡាករ TRAN VAN DAT បន្ថែម១គ្រាប់ទៀតនៅនាទីទី២៨។

ឈានដល់វគ្គទី២ អូស្រា្តលី បានប្តូរកីឡករថ្មីចូល២នាក់បន្ថែម ប៉ុន្តែនៅមិនអាចធ្វើអ្វីបាន ហើយថែមទាំងត្រូវវៀតណាមបន្ថែមបាន១គ្រាប់ទៀតនៅនាទីទី៧៥ ដោយកីឡាករ NGUYEN KHAC KHIEM។ ចប់ការប្រកួត វៀតណាម ឈ្នះអូស្រ្តាលី ៣ទល់និង០។