លោក Jose Mourinho បានឱ្យកីឡាករ Zlatan Ibrahimovic ពាក់អាវលេខ៩របស់ក្លឹបជំនួសខ្សែប្រយុទ្ធបារាំង Anthony Martial ព្រោះលោកនៅតែគិតថា Zlatan នឹង Finish បានល្អបំផុត។

ដើម្បីត្រៀមរដូវកាលថ្មីខាងមុខ ក្លឹប Manchester United បានប្រកាសកីឡាករដែលត្រូវពាក់អាវលេខប៉ុន្មានៗ រូចរាល់អស់ហើយ។ ខណៈដែលកីឡាករចំណូលថ្មី Zlatan នឹងពាក់អាវលេខ៩ ហើយ Martial ពាក់អាវលេខ១១វិញ។ កីឡាករចំណុលថ្មីផ្សេងទៀត Makhitaryan ពាក់អាវលេខ២២ និងខ្សែការពារ Bailly ពាក់អាវលេខ៣។

ចំពោះការពាក់អាវនេះដែរ លោក Mourinho មានយោបល់ថា៖ “គេចេះតែសួរខ្ញុំ ថាមិចបានឱ្យ Zlatan ពាក់អាវលេខ៩។ ខ្ញុំប្រាប់ហើយថាលេខ៩ ជាលេខខ្សែប្រយុទ្ធដែលមុតបំផុត ហើយ Zlatan ជាអ្នកដែលរ៉ាប់រងតួនាទីនេះ។ កុំនិយាយដល់អាយុ ថាគេលេងមិនកើត អាយុគ្រាន់តែជាលេខប៉ុណ្ណោះ”។

អាវលេខ៩នៅ Manchester United សុទ្ធតែកីឡាករខ្លាំងៗជាអ្នកពាក់ តួយ៉ាងដូចជាអតីតកីឡាករ Sir Bobby Charlton លេងបាន៧៥៨ប្រកួត រកបាន២៤៩គ្រាប់ និង Brian McClair លេងបាន៤៧១ប្រកួតរកបាន១២៧គ្រាប់ជាដើម៕