អ្នកចាំទី David de Gea បាននិយាយថាក្លឹប Manchester United នឹងមានឱកាសប្រជែងយកពានរង្វាន់លីគកំពូលអង់គ្លេសកាន់តែច្រើនក្រោមការដឹកនាំរបស់លោក Jose Mourinho និងមានកីឡាករថ្មីចូលច្រើន។
ក្រុម Manchester United កាលពីរដូវកាលមុន ក្រោមការដឹកនាំរបស់លោក Van Gaal បានត្រឹមចំណាត់ថ្នាក់លេខ៥ប៉ុណ្ណោះ ខណៈដែលការចូលលេងពានរង្វាន់ UEFA Champions League ក៏គ្មានទៀត។ ខណៈដែលរដូវកាលនេះវិញ ក្រោមការដឹកនាំរបស់លោក Jose Mourinho ម្ដង ហើយកីឡាករភាគច្រើនក៏ត្រូវផ្លាស់ប្ដូរផងដែរ។
យ៉ាងនេះហើយ ទើបអ្នកចាំទី De Gea បានបង្ហាញចំណាប់អារម្មណ៍ថាក្លឹប Man Utd នឹងខ្លាំងឡើងវិញ ហើយក៏មានឱកាសប្រជែងយកពានបានដែរ។ កីឡាករសញ្ជាតិអេស្ប៉ាញរូបនេះបាននិយាយទៀតថា គ្រូបង្វឹកខាងលើពិតជាមានសមត្ថភាព អាចនាំក្រុមជោគជ័យបាន ហើយរូបគេក៏ពេញចិត្តនិងការបានចូលលេងជាមួយកីឡាករចំណូលថ្មីច្រើនផងដែរ។
ក្លឹប Man Utd បន្ទាប់ពីលោក Sir Alex Fugerson ចូលនិវត្តន៍ទៅ បានប្ដូរគ្រូបង្វឹកជាច្រើននាក់ ប៉ុន្តែមិនទាន់ឃើញថាទទួលបានជោគជ័យនោះទេ។ អីចឹងចាំមើលរដូវកាលថ្មីនេះម្ដង ក្រោមការដឹកនាំរបស់ Mourinho អាចឱ្យក្លឹបបិសាចក្រហមខ្លាំងវិញបានអត់?
មតិយោបល់