ខ្សែការពារ Per Mertesacker របស់ Arsenal នឹងត្រូវអវត្តមានយ៉ាងតិច៥ខែ ដោយសារតែរងរបួសជង្គង់អំឡុងពេលហ្វឹកហាត់ប្រកួតមិត្តភាពបើករដូវកាលនេះ។

Mertesacker ជាខ្សែការពាររឹងមាំម្នាក់របស់ក្រុមកាំភ្លើងធំ ហើយការអវត្តមានរបស់គេនេះអាចនឹងតម្រូវឱ្យក្រុមរបស់លោក Arsene Wenger ត្រូវរកអ្នកជំនួសមុនការប្រកួតបើករដូវកាលថ្មីរបស់អង់គ្លេស ចាប់ផ្ដើមនៅពាក់កណ្ដាលខែក្រោយនេះ។ ចំពោះការរងរបួសប្រើពេលព្យាបាលដល់ទៅ៥ខែនេះ ខាងក្រុម Arsenal មិនទាន់ចេញសេចក្ដីលំអិតនោះទេ ពោលគឺដំណឹងបានពីខាងប្រភពស្និទ្ធនិងក្លឹបប៉ុណ្ណោះ។

កាំភ្លើងធំរដូវកាលថ្មីនេះ ហាក់មិនទាន់បានទិញខ្សែការពារណាម្នាក់នោះទេ ដោយក្រុមចង់ពង្រឹងតែតំបន់បម្រើនិងប្រយុទ្ធប៉ុណ្ណោះ។ មួយវិញទៀត រឿងដោះដូរកីឡាករវិញ ការចង់បាន Mahrez មករួមក្រុម ក៏មិនទាន់បានសម្រេចនៅឡើយដែរ៕