គ្រូបង្វឹកក្រុមបាល់ទាត់ជម្រើសជាតិសិង្ហបុរីលោក Varadaraju Sundramoorthy បង្ហើបថាក្រុមខ្លួនអវត្តមានកីឡាករសំខាន់៦រូប ក្នុងជំនួបមិត្តភាពតទល់កម្ពុជា នាល្ងាចថ្ងៃទី២៨ កក្កដា ស្អែកនេះ។

ក្នុងសន្និសឹទ្ធកាលពីព្រឹកមិញ គ្រូទើបឡើងកាន់តំណែងរូបនេះលើកឡើងថា កូនក្រុមលោក៦នាក់ ជាប់ភារកិច្ចលេងឲ្យក្លឹបនៅថៃ និង ម៉ាឡេស៊ី ពុំអាចមកចូលរួមជាមួយជម្រើសជាតិបាន។

ប៉ុន្តែបែបនេះក្តី លោកបន្ថែមថាបានរកកីឡាករមកជំនួសរួចហើយ ដោយរំពឹងថាក្រុមខ្លួននឹងធ្វើបានល្អ នៅចំពោះមុខអ្នកគាំទ្រកម្ពុជាស្អែកនេះ។

គួរបញ្ជាក់ថា ល្ងាចថ្ងៃទី២៨ ខែកក្កដា ស្អែកនេះ ក្រុមគោព្រៃ នឹងបើកទ្វារពហុកីឡដ្ឋានជាតិអូឡាំពិក ទទួលភ្ញៀវសិង្ហបុរី ក្នុងជំនួបមិត្តភាព ត្រៀមពានរង្វាន់ AFF Suzuki Cup នាចុងឆ្នាំនេះ។