នេះគឺជារឿង ដ៍ភ្ញាក់ផ្អើលមួយ ដែលបាមកើតឡើងក្នុងប្រទេសអេស្ប៉ាញ ខណៈកាសែត មួយបានឲ្យតំបូន្មាន ដល់ កំពូលខ្សែប្រយុទ្ធ Cristiano Ronaldo គួរចាកចេញមុនរដូវកាលដោះដូរកីឡាករ ត្រូវបញ្ចប់ ក្នុងពេលដ៍ខ្លីខាងមុខនេះ។

ជាការពិតណាស់ កាសែត El Pais ក្នុងប្រទេសអេស្ប៉ាញ បានចុះផ្សាយនូវអត្ថបទរបស់ពួកគេ ក្នុងការដាស់តឿន Ronaldo ឲ្យចាកចេញពី ក្របខ័ណ្ឌ Laliga ។ កាសែតដដែលបានសរសេរទៀតថា ពិតណាស់ ដែល Ronaldo គួរចាកចេញតាំងពីដើមរដូវក្តៅមកម្លេះ ដោយសារការអាក់អន់ចិត្ត ទាក់ទងនឹងបញ្ហាពន្ធ ក៍ប៉ុន្តែ ខ្សែប្រយុទ្ធដ៍ឆ្នើមរូបនេះ បានជម្នះគ្រប់បញ្ហា ដើម្បីបន្តក្រាញ់ននៀល ជាមួយ Real Madrid បន្តទៀត។ យ៉ាងណាវិញ Ronaldo បានរងនូវបញ្ហាសារជាថ្មីម្តងទៀត ក្នុងការប្រកួតជាមួយ Barcelona ក្នុងពានរង្វាន់ Spanish Super Cup ជើងទី១ ដែលខ្សែប្រយុទ្ធវ័យ ៣២ឆ្នាំរូបនេះ រងកាតក្រហម និងរងការពិន័យសរុប ៥ប្រកួត ( នៅសល់ ៤ប្រកួតទៀតប៉ុណ្ណោះ ) ក្រោយពីបានរុញអាជ្ញាកណ្តាល។ ហេតុផលនេះហើយ ដែលកាសែត El Pais បានផ្តល់តំបូន្មាន ដល់ Ronaldo ឲ្យចាកចេញពី Laliga ទៅកាន់ Premier League វិញ។

យ៉ាងណាក៍ដោយ នេះគ្រាន់តែជាការចុះផ្សាយរបស់ កាសែត El Pais ប៉ុណ្ណោះ ខណៈកំពូលខ្សែប្រយុទ្ធ Cristiano Ronaldo ដូចជាមិនមានប្រតិកម្ម និ់ងបញ្ហានេះឡើយ ដោយកំពុងរង់ចាំ ការពិន័យត្រូវចប់ ដើម្បីទៅធ្វើព្យុះធ្វើភ្លៀង នៅ Laliga វិញ។