Julian Draxler ខ្សែបម្រើឆ្នើមរបស់ជម្រើសជាតិអាល្លឺម៉ង់បានស្នើសំចេញពីក្លឹបអាជីព Wolfsburg ក្នុងរដូវកាលនេះហើយ ដោយមានក្លឹប២កំពុងចង់បានរូបគេគឺ Juventus និង Arsneal ។

ការស្នើសុំចាកចេញនេះ គឺដោយសារតែខ្សែបម្រើវ័យ២២ឆ្នាំខាងលើបានបញ្ជាក់ដល់ពេលដែលខ្លួនត្រូវដើរប្រឡូកជាមួយក្លឹបនៅក្រៅស្រុកហើយ ខណ:ដែលរូបគេមានមហិច្ឆតាចង់លេងនៅក្លឹបកំពូលៗនៅប្រទេសផ្សេងៗនៅអឺរ៉ុប។ ស្របពេលដែលដំណឹងនេះដែរ ក៏មានក្លឹប២ហើយដែរ កំពុងទាក់ទងរូបគេគឺ Juventus របស់អ៊ីតាលី និងកាំភ្លើងធំ Arsenal របស់អង់គ្លេស។

កាំភ្លើងធំ តាមទិញខ្សែបម្រើស្លាបរូបនេះតាំងពីចប់ព្រឹត្តិការណ៍ Euro 2016 មកម្ល៉េះ បន្ទាប់ពីឃើញរូបគេលេងឱ្យក្រុមជម្រើសជាតិអាល្លឺម៉ង់។ តែដោយសារតម្លៃខ្លួន Arsenal ឱ្យទាបពេក ទើបមិនទាន់មានការផ្ទេរមួយជាផ្លូវការ។ ចំណែក Juventus វិញ ទើបតែដាក់សំណើទិញយកកីឡាករវ័យក្មេងរូបនេះទេ ប៉ុន្តែពួកគេមានសង្ឃឹមខ្ពស់ថានឹងទិញបាន ព្រោះរឿងតម្លៃខ្លួនមិនមែនជាបញ្ហាសម្រាប់ក្រុមសេះបង្កង់ឡើយ។

Draxler ជាយុវជនវ័យក្មេងរបស់អាល្លឺម៉ង់ ហើយរូបគេទើបតែបង្ហាញសមត្ថភាពគួរឱ្យកត់សម្គាល់នៅកម្មវិធី Euro 2016 កន្លងនេះទេ ទើបបណ្ដាល ឱ្យមានក្លឹបជាច្រើនចង់បានរូបគេ៕