ទោះបីស្ថិតក្នុងកម្រិតក្រុមបាល់ទាត់ស្ម័គ្រចិត្តដែលលេងនៅតាមលីគឯកជននានា ប៉ុន្តែ Daniel FC ធ្លាប់មានកីឡាករអាជីពមួយចំនួនចូលរួម និងបង្កព្យុះភ្លៀងលើទីលានយ៉ាងច្រើនជាមួយក្រុមមួយនេះ។
បើតាមការបញ្ជាក់របស់អ្នកគ្រប់គ្រងទូទៅលោក ឃុល ភិរម្យ បង្ហើបថា Daniel ធ្លាប់បានកីឡាករ ចាន់ វឌ្ឍានាកា ឃីម បូរី គួច សុកុម្ភៈ គួច ដានី និងអតីតសមាជិកបៀលប្រាយ ហេង សុខលី ជាដើមមកចូលរួម។
លោកបន្តថា បើទោះបីគ្មានប្រាក់ឧបត្ថម្ភ និងលេងផ្តោតចម្បងលើសុខភាព ប៉ុន្តែកីឡាករទាំងនោះ បានស្ម័គ្រចិត្តមកចូលលេង ហើយជួយក្លឹបសាងជ័យជម្នះជាច្រើន។
គេនៅចាំបានថា Daniel FC ធ្លាប់លើកពានធំៗ៣គឺ Sponsor Cup ឆ្នាំ២០១៣ Tiger Street ឆ្នាំ២០១៤ និងចុងក្រោយទើបតែលើកពាន Ganzberg Futsal Cup ឆ្នាំ២០១៦ កាលពីខែមុន។
មតិយោបល់