ក្រុមបាល់ទាត់ជម្រើសជាតិប៊ែលហ្សិកបានប្រកាសតែងតាំងលោក Roberto Martínez ធ្វើជាគ្រូបង្វឹកផ្លូវការហើយ ដើម្បីជំនួសតំណែងលោក Marc Wilmots ដែលចាកចេញកាលពីចប់ Euro 2016។

សហព័ន្ធបាល់ទាត់ប៊ែលហ្សិកបានធ្វើសេចក្ដីថ្លែងការណ៍កាលពីយប់មិញនេះថា៖ “យើងសូមប្រកាសជាសាធារណ:ថាលោក Martínez នឹងចូលមកដឹកនាំក្រុមជម្រើសជាតិយើងចាប់ពីពេលនេះតទៅ។ គាត់មានសមត្ថភាពគ្រប់គ្រាន់ក្នុងការដឹកនាំក្រុមឱ្យទទួលបានជោគជ័យក្នុងពេលខាងមុខនេះ”។

Martínez ជាអតីតគ្រូបង្វឹករបស់ក្រុម Everton ដែលទើបតែចាកចេញពីតំណែងកាលពីពេលថ្មីៗនេះទេ ខណ:ដែលបុរសវ័យ៤៣ឆ្នាំរូបនេះ ក៏មិនទាន់បានដឹកនាំក្រុមលើកពានអ្វីនោះដែរ៕