Post News Media ព័ត៌មានកីឡា Messi J ទទួលស...

Messi J ទទួលស្គាល់លទ្ធផល តែមានមោទនភាពដែលថៃបានលេងទល់នឹងក្រុមខ្លាំងៗ

Chanathip Songkrasin បាននិយាយថាខ្លួនទទួលស្គាល់លទ្ធផលចាញ់ជប៉ុន ២-០ កាលពីម្សិលមិញនេះ ប៉ុន្តែការប្រកួតជាមួយក្រុមខ្លាំងៗនេះ រូបគេជឿថាក្រុមថៃនឹងកាន់តែខ្លាំងឡើងៗ។

វគ្គជម្រុះ World Cup ជុំទី៣នៅទ្វីបអាស៊ីកាលពីម្សិលមិញនេះ ក្រុមជប៉ុនបានយកឈ្នះថៃដោយលទ្ធផល ២-០ ខណ:ដែលកីឡាករ Genki Haraguchi និង Takuma Asano ជាអ្នករកបានម្នាក់មួយគ្រាប់។ បរាជ័យជាលើកទី២នេះដែរ ធ្វើឱ្យChanathip មិនអន់ចិត្តអ្វីនោះទេ ព្រោះរូបគេជឿថានេះជាប្រកួតមួយដែលផ្ដល់មេរៀនជាច្រើនសម្រាប់ថៃក្នុងថ្ងៃអនាគត។

Thai Vs Japan (3)

ខ្សែបម្រើវ័យ២២ឆ្នាំខាងលើបាននិយាយក្រោយចប់ការប្រកួតថា៖ “យើងទទួលស្គាល់ថានេះជាលទ្ធផលដែលយើងខំប្រឹង។ ជប៉ុនបានជួយផ្ដល់មេរៀនឱ្យយើងកាន់តែច្រើន ដើម្បីពន្លឿនឱ្យថៃកាន់តែឆាប់ប្រកួតប្រជែងនឹងប្រទេសធំៗបាន។ យើងនៅមានចំណុចខ្វះខាតច្រើន តែយើងក៏បានបទពិសោធន៍ច្រើនដែរ យើងនឹងប្រឹងប្រែងបន្ដទៀត ព្រោះនៅមានប៉ះក្រុមខ្លាំងជាច្រើនទៀត”។

ក្រុមថៃជាក្រុមតែមួយគត់នៅតំបន់អាស៊ានដែលអាចឈានជើងដល់វគ្គជម្រុះ World Cup 2018 ជុំទី៣នៅតំបន់អាស៊ីបាន។ ខណ:ដែលពួកគេស្ថិតក្នុងពូល B ដែលសុទ្ធសឹងតែជាក្រុមខ្លាំងៗ ដូចជា អូស្ត្រាលី អារ៉ាប់រួម អារ៉ាបីសាអូឌីត ជប៉ុន និងអីរ៉ាក់ជាដើម។ ២ប្រកួតដំបូងរបស់ថៃក្នុងពូលនេះ ចាញ់ទាំងពីរប្រកួតគឺចាញ់ អារ៉ាប៊ីសាអូឌីត ១-០ និងចាញ់ក្រុមជប៉ុន ២-០ កាលពីយប់មីញនេះ៕

Thai Vs Japan (5)

Thai Vs Japan (6)

Thai Vs Japan (7)

Thai Vs Japan (8)

Thai Vs Japan (10)

Thai Vs Japan (9)

Thai Vs Japan (11)

Thai Vs Japan (12)

Thai Vs Japan (13)

Thai Vs Japan (14)

Thai Vs Japan (15)

Thai Vs Japan (1)

Thai Vs Japan (2)