« មែនថាខ្ញុំយ៉ាងណាក៏បាន ខ្ញុំស្រែកផង ជេរផង ប៉ុន្តែដើម្បីឲ្យតែកីឡាករកម្ពុជា បានបង្ហាញទម្រង់លេងយ៉ាងល្អ ឲ្យជម្រើសជាតិរបស់គាត់។» នេះជាការបង្ហាញអារម្មណ៍ផ្ទាល់ខ្លួនពីលោក Lee Taehoon ទៅកាន់កូនក្រុម និងអ្នកគាំទ្រទាំងអស់ ក្រោយលេចការត្អូញត្អែរច្រើន ពីពួកគេជុំវិញបញ្ហាលោកបង្ហាត់ខ្លាំងពេកធ្វើឲ្យនឿយហត់ ពិសេសការនាំទៅបោះជម្រុំនៅបរទេសកាលពីអំឡុងពេលបុណ្យភ្ជុំបិណ្យ។

ឆ្លើយតបសំណួរអ្នកសារពត៌មាន មុននេះបន្តិច លោក Lee Taehoon ថាអ្វីទាំអស់គឺដើម្បីតែឲ្យពួកគេល្អ នឹងនាំជម្រើសជាតិកម្ពុជា ទៅសាងជ័យជម្នះលើឆាកអន្តរជាតិ ពិសេសឆ្លងវគ្គជម្រុះ AFF Suzuki Cup តទល់ក្រុមខ្លាំង៣ទៀត នាសប្តាហ៍ក្រោយ។

បន្ថែមលើនេះ គ្រូសញ្ជាតិកូរ៉េដដែលក៏បង្ហើបដែរថា លោកយល់ស្ថានភាពនេះ ហើយពុំមានការដាក់ទោសអ្វីឡើយ ដូចជា ស៊ុន វណ្ណដេត ជាដើម ឲ្យតែគេបង្ហាញទម្រង់លេងល្អ គេនៅតែមានឱកាសជាប់ជម្រើសជាតិឡើងវិញ ទោះបីបានចាកចេញម្តងទៅហើយ។