កំពូលកីឡាករហែលទឹក Michael Phelps បានជួយអាមេរិកយកមេដាយមាសមួយទៀតហើយ ក្នុងវិញ្ញាសាហែលទឹកចម្ងាយ២០០ម៉ែត្រ(butterfly ) អម្បាញ់មិញនេះ បន្ទាប់ពីយកឈ្នះដៃគូចាស់ Chad le Clos។
Chad le Clos ជាកីឡាករហែលទឹករបស់អាហ្វ្រិកខាងត្បូងដែលធ្លាប់យកឈ្នះ Michael Phelps ម្ដងមកហើយកាលពីឆ្នាំ២០០៤កន្លងទៅ។ ខណ:ដែលការប្រកួតអូឡាំពិកឆ្នាំនេះ ពួកគេបានជួបគ្នាម្ដងទៀត ហើយ Michael Phelps ក៏បានរកឈ្នះវិញ ក្នុងវិញ្ញាសាហែលទឹកចម្ងាយ២០០ម៉ែត្រ (butterfly )។
នេះជាមេដាយមាសលើកទី២ហើយ សម្រាប់កីឡាករហែលទឹកអាមេរិកខាងលើនេះ ខណ:ដែលលើកមុនរូបគេទទួលបានមេដាយមាសក្នុងវិញ្ញាសា៤០០ម៉ែត្រសេរី។ មួយវិញទៀត ការបានមេដាយមាសនេះ ក៏បានធ្វើឱ្យរូបគេក្លាយជាកីឡាកររកបានមេដាយច្រើនជាងគេនៅអូឡាំពិកផងដែរ ពោលគឺទទួលបានដល់ទៅ២៤មេដាយហើយ បើបូកសរុបទៅ៕
មតិយោបល់