Zinedine Zidane បាននិយាយថាខ្សែប្រយុទ្ធ Cristiano Ronaldo គឺជាមុខព្រួញសម្រាប់អ្នកស្រលាញ់បាល់ទាត់គ្រប់គ្នាក្នុងការលើកយកមកវែកញែក បើទោះជារូបគេស៊ុតបាន៣គ្រាប់ ហើយក៏ដោយក្នុងការប្រកួត Alaves ១-៤ Real Madrid ។

Ronaldo អាចរកគ្រាប់បាល់បានវិញហើយកាលពីយប់មិញ ក្រោយពីខកខាន៥ប្រកួតកន្លងមកក្នុងពានរង្វាន់ La Liga ។ ដោយការរកគ្រាប់បាល់បានវិញនេះ គឺបាន៣គ្រាប់ម្នាក់ឯងតែម្ដង ខណៈដែលរូបគេក៏បានធ្វើមិនល្អ១គ្រាប់ដែរ ពោលគឺស៊ុតបាល់ពិន័យ១១ម៉ែត្រមិនចូល។

ដោយមើលឃើញដូច្នេះហើយ Zidane បាននិយាយក្រោយចប់ការប្រកួតយប់មិញនេះថា Ronaldo ជាសញ្ញាមួយសម្រាប់មនុស្សគ្រប់គ្នា ពេលគេស៊ុតល្អតែបើស៊ុតមិនចូលទេ នោះប្រាកដជាមានពាក្យសម្ដីផ្សេងៗមិនខាន។ ដូចដែលការប្រកួតយប់មិញនេះ ទោះជាគេស៊ុតបាន៣គ្រាប់ហើយក៏ដោយ ប៉ុន្តែអ្នករាល់គ្នានឹងផ្តោតទៅលើ១គ្រាប់ដែល Ronaldo ស៊ុតមិនចូល។ វាអាចទៅជាកំណត់ត្រាអ្វីមួយទៀតផង៕