ព័ត៌មានកីឡា

Real Madrid ​ត្រៀម​ត​កុងត្រា​ឱ្យ Ronaldo ​ដល់​ឆ្នាំ​២០២១

ក្លឹប Real Madrid កំពុងតែរៀបចំតកុងត្រាឱ្យខ្សែប្រយុទ្ធ Cristiano Ronaldo រហូតដល់ឆ្នាំ២០២១ ជាមួយនឹងប្រាក់ឈ្នួលប្រចាំសប្ដាហ៍ខ្ពស់ជាងគេនៅក្នុងក្លឹបទៀតផង បើទោះជាបច្ចុប្បន្នកីឡាកររូបនេះមានវ័យ៣១ឆ្នាំហើយក៏ដោយ។

បើតាមប្រភពពីអេស្ប៉ាញបានឱ្យដឹងថា ក្លឹបអធិរាជសនឹងបន្តកុងត្រាដល់កីឡាករចុងក្រោយរបស់ខ្លួនគឺ Ronaldo លើកុងត្រាចាស់៥ឆ្នាំទៅមុខទៀត ក្នុងតម្លៃប្រាក់ឈ្នួលថ្លៃជាងគេក្នុងក្រុមដដែល។ ដោយការប្រកាសជាផ្លូវការក្នុងការបន្តនេះ នឹងអាចធ្វើឡើងនៅសប្ដាហ៍នេះតែម្ដង។

RonaldoPique

កីឡាករដែលជួយ Real Madrid ឈ្នះពាន UEFA Champions League ២ដងរូបនេះ នឹងក្លាយជាកីឡាកររកប្រាក់ប្រចាំសប្ដាហ៍ច្រើនជាងគេ ក្នុងកុងត្រាថ្មី ពោលគឺអាចឈានដល់៥០០ ០០០ផោនឯណោះ។ ខណ:ដែលដៃគូរបស់គេ Gareth Bale នៅតិចជាងដែរ ហើយក៏បន្ដកុងត្រារួចទៅហើយ។

គិតត្រឹមមួយរយ:នេះ Real Madrid បានបន្ដកុងត្រាដល់កីឡាករចាស់របស់ខ្លួន ៣នាក់រួចមកហើយ គឺ Luka Modric , Toni Kroos និង Gareth Bale ខណ:ដែល Ronaldo កំពុងតែធ្វើការចរចានឹងចុះកិច្ចសន្យាជាផ្លូវការក្នុងពេលខាងមុខនេះ។

សូមបញ្ជាក់ថា Real Madrid កំពុងតែជាប់បម្រាមរបស់សហព័ន្ធបាល់ទាត់ FIFA ដោយមិនឱ្យទិញដូរកីឡាករក្នុងរយ:ពេល២ឆ្នាំឯណោះ។ ដូច្នេះហើយ បានជាក្លឹបអ្នកមាននៅអេស្ប៉ាញមួយនេះ ព្យាយាមតកុងត្រាដល់កីឡាករល្អៗរបស់ខ្លួន៕

 

 

មតិយោបល់